عشق کے چالیس اصول

ﻣﺤﺒﺖ ﮐﮯ ﭼﺎﻟﯿﺲ ﺍﺻﻮﻝ ‏( ﺍﺯ ﺷﻤﺲ ﺗﺒﺮﯾﺰﯼ ‏)
ﺗﺮﮎ ﻣﺼﻨﻔﮧ ﺑﻨﺎﻡ Elif shafak ﮐﺎ ﻧﺎﻭﻝ Forty Rules of Love ﮨﮯ۔۔ﺟﺲ ﻣﯿﮟ ﻣﻮﻻﻧﺎ ﺭﻭﻡ ﺍﻭﺭ ﺷﻤﺲ ﺗﺒﺮﯾﺰﯼ ﮐﯽ ﻣﻼﻗﺎﺕ ﺍﻭﺭ ﺩﻭﻧﻮﮞ ﺷﺨﺼﯿﺎﺕ ﭘﺮ ﺍﺳﮑﮯ ﺍﺛﺮﺍﺕ ﮐﻮ ﻋﻤﺪﮦ ﭘﯿﺮﺍﺋﮯ ﻣﯿﮟ ﺑﯿﺎﻥ ﮐﯿﺎ ﮔﯿﺎ ﮨﮯ۔ ﯾﮧ ﭼﺎﻟﯿﺲ ﺍﺻﻮﻝ ﺩﺭﺍﺻﻞ ﺷﻤﺲ ﺗﺒﺮﯾﺰﯼ ﮐﮯ ﺍﻗﻮﺍﻝ ﮨﯿﮟ ﺳﺎﺭﮮ ﮐﮯ ﺳﺎﺭﮮ ﺍﺻﻮﻝ ﺍﻥ ﺩﻭﻧﻮﮞ ﮨﺴﺘﯿﻮﮞ ﮐﮯ ﺑﺎﮨﻤﯽ ﻣﮑﺎﻟﻤﮯ ﭘﺮ ﻣﺸﺘﻤﻞ ﻧﮩﯿﮟ ﮨﯿﮟ۔۔۔ﻧﺎﻭﻝ ﻧﮕﺎﺭ ﻧﮯ ﺍﻗﻮﺍﻝ ﮐﻮ ﻧﺎﻭﻝ ﮐﮯ ﺑﻌﺾ ﺩﻭﺳﺮﮮ ﮐﺮﺩﺍﺭﻭﮞ ﮐﮯ ﺳﺎﺗﮫ ﺑﮭﯽ ﺷﻤﺲ ﺗﺒﺮﯾﺰ ﮐﯽ ﮨﻮﻧﮯ ﻭﺍﻟﯽ ﮔﻔﺘﮕﻮ ﻣﯿﮟ ﭘﺮﻭﯾﺎ ﮨﮯ ‏( ﺗﺮﺟﻤﮧ ﻣﺤﻤﻮﺩ ﺍﺣﻤﺪ ﻏﺰﻧﻮﯼ ‏)
-1 ﮨﻢ ﺧﺪﺍ ﮐﮯ ﺑﺎﺭﮮ ﻣﯿﮟ ﺟﻮ ﮔﻤﺎﻥ ﺭﮐﮭﺘﮯ ﮨﯿﮟ، ﻭﮦ ﺩﺭﺍﺻﻞ ﮨﻤﺎﺭﯼ ﺍﭘﻨﯽ ﺷﺨﺼﯿﺖ ﮐﮯ ﺑﺎﺭﮮ ﻣﯿﮟ ﮨﻤﺎﺭﮮ ﮔﻤﺎﻥ ﮐﺎ ﺍﯾﮏ ﻋﮑﺲ ﮨﻮﺗﺎ ﮨﮯ۔ﺍﮔﺮ ﺧﺪﺍ ﮐﮯ ﺫﮐﺮ ﺳﮯ ﺫﮨﻦ ﻣﯿﮟ ﻣﺤﺾ ﺍﻟﺰﺍﻡ ﺍﻭﺭ ﺧﻮﻑ ﮨﯽ ﺍﺑﮭﺮﮮ ﺗﻮ ﯾﮧ ﺍﺱ ﺑﺎﺕ ﮐﯽ ﻋﻼﻣﺖ ﮨﮯ ﮐﮧ ﺧﻮﻑ ﺍﻭﺭ ﺍﻟﺰﺍﻡ ﺗﺮﺍﺷﯽ ﮨﻤﺎﺭﮮ ﺍﭘﻨﮯ ﺳﯿﻨﮯ ﮐﯽ ﮔﮭﭩﻦ ﻣﯿﮟ ﭘﻨﭗ ﺭﮨﯽ ﮨﮯ۔ ﺍﻭﺭ ﺍﮔﺮ ﺧﺪﺍ ﮨﻤﯿﮟ ﻣﺤﺒﺖ ﺍﻭﺭ ﺷﻔﻘﺖ ﺳﮯ ﭼﮭﻠﮑﺘﺎ ﮨﻮﺍ ﺩﮐﮭﺎﺋﯽ ﺩﮮ، ﺗﻮ ﯾﻘﯿﻨﺎّ ﮨﻢ ﺑﮭﯽ ﻣﺤﺒﺖ ﺍﻭﺭ ﺷﻔﻘﺖ ﺳﮯ ﭼﮭﻠﮏ ﺭﮨﮯ ﮨﯿﮟ۔
-2 ﺳﭽﺎﺋﯽ ﮐﺎ ﺭﺍﺳﺘﮧ ﺩﺭﺍﺻﻞ ﺩﻝ ﮐﺎ ﺭﺍﺳﺘﮧ ﮨﮯ ﺩﻣﺎﻍ ﮐﺎ ﻧﮩﯿﮟ۔ ﺍﭘﻨﮯ ﺩﻝ ﮐﻮ ﺍﭘﻨﺎ ﺍﻭﻟﯿﻦ ﻣﺮﺷﺪ ﺑﻨﺎﺅ، ﻋﻘﻞ ﮐﻮ ﻧﮩﯿﮟ۔ ﺍﭘﻨﮯ ﻧﻔﺲ ﮐﺎ ﺳﺎﻣﻨﺎ ﺍﻭﺭ ﻣﻘﺎﺑﻠﮧ ﮐﺮﻧﮯ ﮐﯿﻠﺌﮯ ﺩﻝ ﮐﯽ ﻣﺪﺩ ﻟﻮ ﮐﯿﻮﻧﮑﮧ ﺗﻤﮩﺎﺭﯼ ﺭﻭﺡ ﭘﺮ ﮨﯽ ﺧﺪﺍ ﮐﯽ ﻣﻌﺮﻓﺖ ﮐﺎ ﻧﺰﻭﻝ ﮨﻮﺗﺎ ﮨﮯ۔ﻋﻘﻞ ﻭ ﺩﻝ ﻭ ﻧﮕﺎﮦ ﮐﺎ ﻣﺮﺷﺪِ ﺍﻭﻟﯿﮟ ﮨﮯ ﻋﺸﻘﻌﺸﻖ ﻧﮧ ﮨﻮ ﺗﻮ ﺷﺮﻉ ﻭ ﺩﯾﮟ، ﺑﺘﮑﺪﮦِ ﺗﺼﻮﺭﺍﺕ
-3 ﻗﺮﺁﻥ ﭘﮍﮬﻨﮯ ﻭﺍﻻ ﮨﺮ ﺷﺨﺺ، ﻗﺮﺁﻥ ﮐﻮ ﺍﭘﻨﮯ ﻓﮩﻢ ﻭ ﺍﺩﺭﺍﮎ ﮐﯽ ﮔﮩﺮﺍﺋﯽ ﮐﮯ ﻣﻄﺎﺑﻖ ﮨﯽ ﺳﻤﺠﮫ ﭘﺎﺗﺎ ﮨﮯ۔ ﻗﺮﺁﻥ ﮐﯽ ﻓﮩﻢ ﮐﮯ ﭼﺎﺭ ﺩﺭﺟﺎﺕ ﮨﯿﮟ۔ ﭘﮩﻼ ﺩﺭﺟﮧ ﻇﺎﮨﺮﯼ ﻣﻌﺎﻧﯽ ﮨﯿﮟ ﺍﻭﺭ ﺯﯾﺎﺩﮦ ﺗﺮ ﺍﮐﺜﺮﯾﺖ ﺍﺳﯽ ﭘﺮ ﻗﻨﺎﻋﺖ ﮐﺌﮯ ﮨﻮﺋﮯ ﮨﮯ۔ ﺩﻭﺳﺮﺍ ﺩﺭﺟﮧ ﺑﺎﻃﻨﯽ ﻣﻌﺎﻧﯽ ﮐﺎ ﮨﮯ۔ ﺗﯿﺴﺮﺍ ﺩﺭﺟﮧ ﺍﻥ ﺑﺎﻃﻨﯽ ﻣﻌﻨﻮﮞ ﮐﺎ ﺑﻄﻦ ﮨﮯ۔ ﺍﻭﺭ ﭼﻮﺗﮭﺎ ﺩﺭﺟﮧ ﺍﺱ ﻗﺪﺭ ﻋﻤﯿﻖ ﻣﻌﻨﻮﮞ ﮐﺎ ﺣﺎﻣﻞ ﮨﮯ ﮐﮧ ﺯﺑﺎﻥ ﺍﻧﮑﮯ ﺑﯿﺎﻥ ﭘﺮ ﻗﺎﺩﺭ ﻧﮩﯿﮟ ﮨﻮﺳﮑﺘﯽ ﭼﻨﺎﻧﭽﮧ ﯾﮧ ﻧﺎﻗﺎﺑﻞِ ﺑﯿﺎﻥ ﮨﯿﮟ۔ ﻋﻠﻤﺎﺀ ﻭ ﻓﻘﮩﺎﺀ ﺟﻮ ﺷﺮﯾﻌﺖ ﮐﮯ ﺍﺣﮑﺎﻣﺎﺕ ﭘﺮ ﻏﻮﺭﻭﺧﻮﺽ ﮐﺮﺗﮯ ﺭﮨﺘﮯ ﮨﯿﮟ، ﯾﮧ ﭘﮩﻠﮯ ﺩﺭﺟﮯ ﭘﺮ ﮨﯿﮟ۔ ﺩﻭﺳﺮﺍ ﺩﺭﺟﮧ ﺻﻮﻓﯿﮧ ﮐﺎ ﮨﮯ، ﺗﯿﺴﺮﺍ ﺩﺭﺟﮧ ﺍﻭﻟﯿﺎﺀ ﮐﺎ ﮨﮯ۔ ﭼﻮﺗﮭﺎ ﺩﺭﺟﮧ ﺻﺮﻑ ﺍﻧﺒﯿﺎﺀ ﻣﺮﺳﻠﯿﻦ ﺍﻭﺭ ﺍﻧﮑﮯ ﺭﺑﺎﻧﯽ ﻭﺍﺭﺛﯿﻦ ﮐﺎ ﮨﮯ۔ ﭘﺲ ﺗﻢ ﮐﺴﯽ ﺍﻧﺴﺎﻥ ﮐﮯ ﺍﻟﻠﮧ ﺗﻌﺎﻟﯽٰ ﮐﮯ ﺳﺎﺗﮫ ﺗﻌﻠﻖ ﺍﻭﺭ ﺍﺱ ﺗﻌﻠﻖ ﮐﯽ ﻧﻮﻋﯿﺖ ﮐﻮ ﺍﭘﻨﮯ ﻗﯿﺎﺱ ﺳﮯ ﺟﺎﻧﻨﮯ ﮐﯽ ﻓﮑﺮ ﻧﮧ ﮐﯿﺎ ﮐﺮﻭ۔ ﮨﺮ ﺷﺨﺺ ﮐﺎ ﺍﭘﻨﺎ ﺍﭘﻨﺎ ﺭﺍﺳﺘﮧ ﮨﮯ ﺍﻭﺭ ﺍﻇﮩﺎﺭِ ﺑﻨﺪﮔﯽ ﮐﯽ ﺍﯾﮏ ﺍﭘﻨﯽ ﻧﻮﻋﯿﺖ ﮨﮯ۔ ﺧﺪﺍ ﺑﮭﯽ ﮨﻤﺎﺭﮮ ﺍﻟﻔﺎﻅ ﻭ ﺍﻋﻤﺎﻝ ﮐﻮ ﻧﮩﯿﮟ ﺑﻠﮑﮧ ﮨﻤﺎﺭﮮ ﺩﻟﻮﮞ ﮐﻮ ﺩﯾﮑﮭﺘﺎ ﮨﮯ۔ ﯾﮧ ﻣﺬﮨﺒﯽ ﺭﺳﻮﻡ ﻭ ﺭﻭﺍﺝ ﺑﺬﺍﺕِ ﺧﻮﺩ ﻣﻘﺼﻮﺩ ﻧﮩﯿﮟ ﮨﯿﮟ۔ ﺍﺻﻞ ﭼﯿﺰ ﺗﻮ ﺩﻝ ﮐﯽ ﭘﺎﮐﯿﺰﮔﯽ ﮨﮯ۔
-4 ﺗﻢ ﮐﺎﺋﻨﺎﺕ ﮐﯽ ﮨﺮ ﺷﺌﮯ ﺍﻭﺭ ﮨﺮﺷﺨﺺ ﻣﯿﮟ ﺧﺪﺍ ﮐﯽ ﻧﺸﺎﻧﯿﺎﮞ ﺩﯾﮑﮫ ﺳﮑﺘﮯ ﮨﻮ ﮐﯿﻮﻧﮑﮧ ﺧﺪﺍ ﺻﺮﻑ ﮐﺴﯽ ﻣﺴﺠﺪ، ﻣﻨﺪﺭ ﯾﺎ ﮐﺴﯽ ﮔﺮﺟﮯ ﺍﻭﺭ ﺻﻮﻣﻌﮯ ﺗﮏ ﻣﺤﺪﻭﺩ ﻧﮩﯿﮟ ﮨﮯ۔ ﻟﯿﮑﻦ ﺍﮔﺮ ﭘﮭﺮ ﺑﮭﯽ ﺗﻤﮩﺎﺭﯼ ﺗﺴﻠﯽ ﻧﮧ ﮨﻮ ﺗﻮ ﺧﺪﺍ ﮐﻮ ﮐﺴﯽ ﻋﺎﺷﻖِ ﺻﺎﺩﻕ ﮐﮯ ﺩﻝ ﻣﯿﮟ ﮈﮬﻮﻧﮉﮬﻮ۔
-5 ﻋﻘﻞ ﺍﻭﺭ ﺩﻝ، ﺩﻭ ﻣﺨﺘﻠﻒ ﭼﯿﺰﯾﮟ ﮨﯿﮟ۔ ﻋﻘﻞ ﻟﻮﮔﻮﮞ ﮐﻮ ﮐﺴﯽ ﻧﮧ ﮐﺴﯽ ﺑﻨﺪﮬﻦ ﻣﯿﮟ ﺟﮑﮍﺗﯽ ﮨﮯ ﺍﻭﺭ ﮐﺴﯽ ﭼﯿﺰ ﮐﻮ ﺩﺍﺅ ﭘﺮ ﻧﮩﯿﮟ ﻟﮕﺎﺗﯽ، ﻟﯿﮑﻦ ﺩﻝ ﮨﺮ ﺑﻨﺪﮬﻦ ﺳﮯ ﺁﺯﺍﺩ ﮨﻮﮐﺮ ﺍﭘﻨﺎ ﺁﭖ ﺩﺍﺅ ﭘﺮ ﻟﮕﺎ ﺩﯾﺘﺎ ﮨﮯ۔ ﻋﻘﻞ ﮨﻤﯿﺸﮧ ﻣﺤﺘﺎﻁ ﺍﻭﺭ ﭘﮭﻮﻧﮏ ﭘﮭﻮﻧﮏ ﮐﺮ ﻗﺪﻡ ﺭﮐﮭﺘﯽ ﮨﮯ ﮐﮧ ﺩﯾﮑﮭﻮ ﮐﺴﯽ ﮐﯿﻔﯿﺖ ﮐﺎ ﺯﯾﺎﺩﮦ ﺍﺛﺮ ﻣﺖ ﻟﯿﻨﺎ۔ ﻟﯿﮑﻦ ﺩﻝ ﮐﮩﺘﺎ ﮨﮯ ﮐﮧ ﻣﺖ ﮔﮭﺒﺮﺍﺅ، ﮨﻤﺖ ﮐﺮﻭ ﺍﻭﺭ ﮈﻭﺏ ﺟﺎﺅ ﮐﯿﻔﯿﺖ ﻣﯿﮟ۔ ﻋﻘﻞ ﺁﺳﺎﻧﯽ ﺳﮯ ﺍﭘﻨﺎ ﺁﭖ ﻓﺮﺍﻣﻮﺵ ﻧﮩﯿﮟ ﮐﺮﺗﯽ ﺟﺒﮑﮧ ﻋﺸﻖ ﺗﻮ ﺑﮑﮭﺮﺟﺎﻧﮯ ﺍﻭﺭ ﻓﻨﺎ ﮨﻮﺟﺎﻧﮯ ﮐﯿﻠﺌﮯ ﮨﻤﮧ ﻭﻗﺖ ﺗﯿﺎﺭ ﮨﮯ۔ ﺍﻭﺭ ﺧﺰﺍﻧﮯ ﺑﮭﯽ ﺗﻮ ﻭﯾﺮﺍﻧﻮﮞ ﻣﯿﮟ ﻣﻠﺒﮯ ﺗﻠﮯ ﻣﻠﺘﮯ ﮨﯿﮟ۔ ﺍﯾﮏ ﺷﮑﺴﺘﮧ ﺩﻝ ﻣﯿﮟ ﮨﯽ ﺗﻮ ﺧﺰﺍﻧﮧ ﻣﺪﻓﻮﻥ ﮨﻮﺗﺎ ﮨﮯ۔
-6 ﺩﻧﯿﺎ ﮐﮯ ﺯﯾﺎﺩﮦ ﺗﺮ ﻣﺴﺎﺋﻞ ﺍﻟﻔﺎﻅ ﺍﻭﺭ ﺯﺑﺎﻥ ﮐﯽ ﮐﻮﺗﺎﮨﯿﻮﮞ ﺍﻭﺭ ﻏﻠﻂ ﻣﻌﺎﻧﯽ ﺍﺧﺬ ﮐﺮﻧﮯ ﺳﮯ ﺟﻨﻢ ﻟﯿﺘﮯ ﮨﯿﮟ۔ ﭼﻨﺎﻧﭽﮧ ﮐﺒﮭﯽ ﺑﮭﯽ ﺍﻟﻔﺎﻅ ﮐﯽ ﻇﺎﮨﺮﯼ ﺳﻄﺢ ﺗﮏ ﺧﻮﺩ ﮐﻮ ﻣﺤﺪﻭﺩ ﻣﺖ ﮐﺮﻭ۔ ﺟﺐ ﻣﺤﺒﺖ ﺍﻭﺭ ﻋﺸﻖ ﮐﮯ ﻣﯿﺪﺍﻥ ﻣﯿﮟ ﻗﺪﻡ ﺭﮐﮭﺘﮯ ﮨﯿﮟ ﺗﻮ ﺍﻟﻔﺎﻅ ﺑﯿﺎﻥ ﺍﻭﺭ ﺯﺑﺎﻥ ﻭ ﺍﻇﮩﺎﺭ ﺍﭘﻨﯽ ﺍﮨﻤﯿﺖ ﮐﮭﻮ ﺑﯿﭩﮭﺘﮯ ﮨﯿﮟ۔ ﻭﮦ ﺟﻮ ﮐﺴﯽ ﻟﻔﻆ ﺳﮯ ﺑﯿﺎﻥ ﻧﮧ ﮨﻮﺳﮑﮯ، ﺍﺳﮑﻮ ﺻﺮﻑ ﺧﺎﻣﻮﺷﯽ ﺳﮯ ﮨﯽ ﺳﻤﺠﮭﺎ ﺟﺎﺳﮑﺘﺎ ﮨﮯ۔
-7 ﺗﻨﮩﺎﺋﯽ ﺍﻭﺭ ﺧﻠﻮﺕ ، ﺩﻭ ﻣﺨﺘﻠﻒ ﭼﯿﺰﯾﮟ ﮨﯿﮟ۔ ﺟﺐ ﮨﻢ ﺗﻨﮩﺎ ﺍﻭﺭ ﺍﮐﯿﻠﮯ ﮨﻮﺗﮯ ﮨﯿﮟ ﺗﻮ ﺍﺱ ﻏﻠﻂ ﻓﮩﻤﯽ ﻣﯿﮟ ﻣﺒﺘﻼ ﮨﻮﺟﺎﻧﺎ ﺑﮩﺖ ﺁﺳﺎﻥ ﮨﻮﺟﺎﺗﺎ ﮨﮯ ﮐﮧ ﮨﻢ ﺳﯿﺪﮬﮯ ﺭﺳﺘﮯ ﭘﺮ ﮨﯿﮟ۔ ﻟﯿﮑﻦ ﺧﻠﻮﺕ ﯾﮩﯽ ﮨﮯ ﮐﮧ ﺁﺩﻣﯽ ﺗﻨﮩﺎ ﮨﻮﺗﮯ ﮨﻮﺋﮯ ﺑﮭﯽ ﺗﻨﮩﺎ ﻧﮧ ﮨﻮ۔ ﺑﮩﺘﺮ ﮨﮯ ﮐﮧ ﮨﻤﺎﺭﯼ ﺗﻨﮩﺎﺋﯽ ﮐﺴﯽ ﺍﯾﺴﮯ ﺷﺨﺺ ﮐﮯ ﺩﻡ ﻗﺪﻡ ﺳﮯ ﺁﺑﺎﺩ ﮨﻮ ﺟﻮ ﮨﻤﺎﺭﮮ ﻟﺌﮯ ﺍﯾﮏ ﺑﮩﺘﺮﯾﻦ ﺁﺋﯿﻨﮯ ﮐﯽ ﺣﯿﺜﯿﺖ ﺭﮐﮭﺘﺎ ﮨﻮ۔ ﯾﺎﺩ ﺭﮐﮭﻮ ﮐﮧ ﺻﺮﻑ ﮐﺴﯽ ﺩﻭﺳﺮﮮ ﺍﻧﺴﺎﻥ ﮐﮯ ﺩﻝ ﻣﯿﮟ ﮨﯽ ﺗﻢ ﺍﭘﻨﺎ ﺩﺭﺳﺖ ﻋﮑﺲ ﺩﯾﮑﮫ ﺳﮑﺘﮯ ﮨﻮ ﺍﻭﺭ ﺍﻭﺭ ﺗﻤﮩﺎﺭﯼ ﺷﺨﺼﯿﺖ ﻣﯿﮟ ﺧﺪﺍ ﮐﮯ ﺟﺲ ﻣﺨﺼﻮﺹ ﺟﻠﻮﮮ ﮐﺎ ﻇﮩﻮﺭ ﮨﻮﺭﮨﺎ ﮨﮯ، ﻭﮦ ﺻﺮﻑ ﮐﺴﯽ ﺩﻭﺳﺮﮮ ﺍﻧﺴﺎﻥ ﮐﮯ ﺁﺋﯿﻨﮧِ ﻗﻠﺐ ﻣﯿﮟ ﺗﻤﮩﯿﮟ ﺩﮐﮭﺎﺋﯽ ﺩﮮ ﮔﺎ۔
-8 ﺯﻧﺪﮔﯽ ﻣﯿﮟ ﮐﭽﮫ ﺑﮭﯽ ﮨﻮﺟﺎﺋﮯ، ﺯﻧﺪﮔﯽ ﮐﺘﻨﯽ ﮨﯽ ﺩﺷﻮﺍﺭ ﮐﯿﻮﮞ ﻧﮧ ﻟﮕﻨﮯ ﻟﮕﮯ، ﻣﺎﯾﻮﺱ ﮐﺒﮭﯽ ﻣﺖ ﮨﻮﻧﺎ۔ ﯾﻘﯿﻦ ﺭﮐﮭﻮ ﮐﮧ ﺟﺐ ﮨﺮ ﺩﺭﻭﺍﺯﮦ ﺑﻨﺪ ﮨﻮﺟﺎﺋﮯ ﺗﺐ ﺑﮭﯽ ﺧﺪﺍﻭﻧﺪِ ﮐﺮﯾﻢ ﺍﭘﻨﮯ ﺑﻨﺪﮮ ﮐﯿﻠﺌﮯ ﮐﻮﺋﯽ ﻧﮧ ﮐﻮﺋﯽ ﻧﺌﯽ ﺭﺍﮦ ﺿﺮﻭﺭ ﮐﮭﻮﻝ ﺩﯾﺘﺎ ﮨﮯ۔ ﮨﺮ ﺣﺎﻝ ﻣﯿﮟ ﺷُﮑﺮ ﮐﺮﻭ۔ ﺟﺐ ﺳﺐ ﮐﭽﮫ ﺍﭼﮭﺎ ﺟﺎﺭﮨﺎ ﮨﻮ، ﺍﺱ ﻭﻗﺖ ﺷﮑﺮ ﮐﺮﻧﺎ ﺑﮩﺖ ﺁﺳﺎﻥ ﮨﮯ ﻟﯿﮑﻦ ﺍﯾﮏ ﺻﻮﻓﯽ ﻧﮧ ﺻﺮﻑ ﺍﻥ ﺑﺎﺗﻮﮞ ﭘﺮ ﺷﮑﺮ ﮔﺬﺍﺭ ﮨﻮﺗﺎ ﮨﮯ ﺟﻦ ﻣﯿﮟ ﺍﺳﮑﮯ ﺳﺎﺗﮫ ﻋﻄﺎ ﺍﻭﺭ ﺑﺨﺸﺶ ﮐﺎ ﻣﻌﺎﻣﻠﮧ ﮔﺬﺭﮮ، ﺑﻠﮑﮧ ﺍﻥ ﺗﻤﺎﻡ ﺑﺎﺗﻮﮞ ﭘﺮ ﺑﮭﯽ ﺷﮑﺮ ﺍﺩﺍ ﮐﺮﺗﺎ ﮨﮯ ﺟﻦ ﺳﮯ ﺍﺳﮯ ﻣﺤﺮﻭﻡ ﺭﮐﮭﺎ ﮔﯿﺎ۔ ﻋﻄﺎ ﮨﻮ ﯾﺎ ﻣﻨﻊ، ﮨﺮ ﺣﺎﻝ ﻣﯿﮟ ﺷُﮑﺮ۔
-9 ﺻﺒﺮ ﺍﺱ ﺑﺎﺕ ﮐﺎﻧﺎﻡ ﻧﮩﯿﮟ ﮨﮯ ﮐﮧ ﺍﻧﺴﺎﻥ ﻋﻀﻮِ ﻣﻌﻄﻞ ﮨﻮﮐﺮ ﺑﮯ ﺑﺴﯽ ﮐﮯ ﮨﺎﺗﮭﻮﮞ ﺑﺮﺩﺍﺷﺖ ﮐﮯ ﻋﻤﻞ ﺳﮯ ﮔﺬﺭﺗﺎ ﺭﮨﮯ۔ ﺑﻠﮑﮧ ﺻﺒﺮ ﮐﺎ ﻣﻄﻠﺐ ﯾﮧ ﮨﮯ ﮐﮧ ﺍﻧﺴﺎﻥ ﺍﺗﻨﺎ ﺩﻭﺭ ﺍﻧﺪﯾﺶ ﺍﻭﺭ ﻭﺳﯿﻊ ﻧﮕﺎﮦ ﮐﺎ ﺣﺎﻣﻞ ﮨﻮ ﮐﮧ ﻣﻌﺎﻣﻼﺕ ﮐﮯ ﺍﻧﺠﺎﻡ ﭘﺮ ﻧﻈﺮ ﺭﮐﮭﺘﮯ ﮨﻮﺋﮯ ﺭﺏ ﭘﺮ ﺑﮭﺮﻭﺳﮧ ﺭﮐﮭﮯ۔ ﺻﺒﺮ ﮐﯿﺎ ﮨﮯ؟ ﺻﺒﺮ ﯾﮧ ﮨﮯ ﮐﮧ ﺟﺐ ﺗﻢ ﮐﺎﻧﭩﮯ ﮐﻮ ﺩﯾﮑﮭﻮ ﺗﻮ ﺗﻤﮩﯿﮟ ﭘﮭﻮﻝ ﺑﮭﯽ ﺩﮐﮭﺎﺋﯽ ﺩﮮ۔ ﺟﺐ ﺭﺍﺕ ﮐﮯ ﮔُﮭﭗ ﺍﻧﺪﮬﯿﺮﮮ ﭘﺮ ﻧﻈﺮ ﭘﮍﮮ ﺗﻮ ﺍﺱ ﻣﯿﮟ ﺻﺒﺢِ ﺻﺎﺩﻕ ﮐﺎ ﺍﺟﺎﻻ ﺑﮭﯽ ﺩﮐﮭﺎﺋﯽ ﺩﮮ۔ ﺑﮯ ﺻﺒﺮﯼ ﯾﮧ ﮨﮯ ﮐﮧ ﺍﻧﺴﺎﻥ ﺍﺗﻨﺎ ﮐﻮﺗﺎﮦ ﺑﯿﻦ ﺍﻭﺭ ﮐﻢ ﻧﻈﺮ ﮨﻮ ﮐﮧ ﻣﻌﺎﻣﻠﮯ ﮐﮯ ﺍﻧﺠﺎﻡ ﭘﺮ ﻧﻈﺮ ﮈﺍﻟﻨﮯ ﺳﮯ ﻗﺎﺻﺮ ﺭﮦ ﺟﺎﺋﮯ۔ ﻋﺎﺷﻘﺎﻥِ ﺍﻟٰﮩﯽ ﺻﺒﺮ ﮐﺎ ﺩﺍﻣﻦ ﮐﺒﮭﯽ ﮨﺎﺗﮫ ﺳﮯ ﻧﮩﯿﮟ ﭼﮭﻮﮌﺗﮯ، ﮐﯿﻮﻧﮑﮧ ﻭﮦ ﺍﭼﮭﯽ ﻃﺮﺡ ﺟﺎﻧﺘﮯ ﮨﯿﮟ ﮐﮧ ﭘﮩﻠﯽ ﮐﮯ ﺑﺎﺭﯾﮏ ﭼﺎﻧﺪ ﮐﻮ ﻣﺎﮦِ ﮐﺎﻣﻞ ﻣﯿﮟ ﺗﺒﺪﯾﻞ ﮨﻮﻧﮯ ﮐﯿﻠﺌﮯ ﮐﭽﮫ ﻭﻗﺖ ﺿﺮﻭﺭ ﮔﺬﺍﺭﻧﺎ ﭘﮍﺗﺎ ﮨﮯ۔
-10 ﻣﺸﺮﻕ، ﻣﻐﺮﺏ، ﺷﻤﺎﻝ ، ﺟﻨﻮﺏ۔۔۔ﺍﻥ ﺳﺐ ﺳﮯ ﮐﭽﮫ ﻓﺮﻕ ﻧﮩﯿﮟ ﭘﮍﺗﺎ۔ ﺗﻤﮩﺎﺭﮮ ﺳﻔﺮ ﮐﯽ ﺳﻤﺖ ﮐﻮﺋﯽ ﺑﮭﯽ ﮨﻮ، ﺑﺲ ﯾﮧ ﺩﮬﯿﺎﻥ ﺿﺮﻭﺭ ﺭﮨﮯ ﮐﮧ ﮨﺮ ﺳﻔﺮ، ﺫﺍﺕ ﮐﺎ ﺩﺍﺧﻠﯽ ﺳﻔﺮ ﺿﺮﻭﺭ ﺑﻨﮯ۔ ﺍﮔﺮ ﺗﻢ ﺍﭘﻨﯽ ﺫﺍﺕ ﮐﮯ ﺍﻧﺪﺭﻭﻥ ﻣﯿﮟ ﺍﯾﮏ ﻣﻘﺎﻡ ﺳﮯ ﺩﻭﺳﺮﮮ ﻣﻘﺎﻡ ﺗﮏ ﮐﺎ ﺑﺎﻃﻨﯽ ﺳﻔﺮ ﮐﺮﻭ ﺗﻮ ﺗﻤﮩﺎﺭﮮ ﺳﺎﺗﮫ ﯾﮧ ﭘﻮﺭﯼ ﮐﺎﺋﻨﺎﺕ ﺍﻭﺭ ﺟﻮ ﮐﭽﮫ ﺍﺱ ﺳﮯ ﻣﺎﻭﺭﺍﺀ ﮨﮯ، ﻭﮦ ﺑﮭﯽ ﺷﺮﯾﮏِ ﺳﻔﺮ ﮨﻮﺟﺎﺗﮯ ﮨﯿﮟ۔
-11 ﺟﺲ ﻃﺮﺡ ﺍﯾﮏ ﻣﺎﮞ ﮐﻮ ﺑﭽﮯ ﮐﯽ ﭘﯿﺪﺍﺋﺶ ﮐﯿﻠﺌﮯ ﺩﺭﺩ ﻭ ﮐﺮﺏ ﮐﮯ ﻣﺮﺣﻠﮯ ﺳﮯ ﮔﺬﺭﻧﺎ ﭘﮍﺗﺎ ﮨﮯ، ﺍﺳﯽ ﻃﺮﺡ ﺍﯾﮏ ﻧﺌﯽ ﺷﺨﺼﯿﺖ ﮐﻮ ﺟﻨﻢ ﺩﯾﻨﮯ ﮐﯿﻠﺌﮯ ﺗﮑﺎﻟﯿﻒ ﺳﮯ ﺿﺮﻭﺭ ﺍﭨﮭﺎﻧﯽ ﭘﮍﺗﯽ ﮨﯿﮟ۔ ﺟﺲ ﻃﺮﺡ ﺍﯾﮏ ﺩﻥ ﮐﻮ ﺍﭘﻨﯽ ﺭﻭﺷﻨﯽ ﭘﻮﺭﯼ ﺷﺪﺕ ﮐﮯ ﺳﺎﺗﮫ ﺑﮑﮭﯿﺮﻧﮯ ﮐﯿﻠﺌﮯ، ﺷﺪﯾﺪﮔﺮﻣﯽ ﺍﻭﺭ ﺣﺪﺕ ﺑﺮﺩﺍﺷﺖ ﮐﺮﻧﯽ ﭘﮍﺗﯽ ﮨﮯ، ﺍﺳﯽ ﻃﺮﺡ ﻣﺤﺒﺖ ﺑﮭﯽ ﺩﮐﮫ ﺍﻭﺭ ﺩﺭﺩ ﮐﮯ ﺑﻐﯿﺮ ﺗﮑﻤﯿﻞ ﮐﻮ ﻧﮩﯿﮟ ﭘﮩﻨﭻ ﺳﮑﺘﯽ۔
-12 ﻣﺤﺒﺖ ﮐﯽ ﺗﻼﺵ ﮨﻤﯿﮟ ﺗﺒﺪﯾﻞ ﮐﺮﮐﮯ ﺭﮐﮫ ﺩﯾﺘﯽ ﮨﮯ۔ ﺭﺍﮦِ ﻋﺸﻖ ﻣﯿﮟ ﺍﯾﺴﺎ ﮐﻮﺋﯽ ﻣﺴﺎﻓﺮ ﻧﮩﯿﮟ ﮔﺬﺭﺍ ﺟﺴﮯ ﺍﺱ ﺭﺍﮦ ﻧﮯ ﮐﭽﮫ ﻧﮧ ﮐﭽﮫ ﭘﺨﺘﮕﯽ ﻧﮧ ﻋﻄﺎ ﮐﯽ ﮨﻮ۔ ﺟﺲ ﻟﻤﺤﮯ ﺗﻢ ﻣﺤﺒﺖ ﮐﯽ ﺗﻼﺵ ﮐﺎ ﺳﻔﺮ ﺷﺮﻭﻉ ﮐﺮﺗﮯ ﮨﻮ، ﺗﻤﮩﺎﺭﺍ ﻇﺎﮨﺮ ﺍﻭﺭ ﺑﺎﻃﻦ ﺗﺒﺪﯾﻠﯽ ﮐﮯ ﻋﻤﻞ ﺳﮯ ﮔﺬﺭﻧﺎ ﺷﺮﻭﻉ ﮨﻮﺟﺎﺗﺎ ﮨﮯ۔
-13 ﺁﺳﻤﺎﻥ ﭘﺮ ﺷﺎﺋﺪ ﺍﺗﻨﮯ ﺳﺘﺎﺭﮮ ﻧﮧ ﮨﻮﮞ ﺟﺘﻨﮯ ﺩﻧﯿﺎ ﻣﯿﮟ ﺟﮭﻮﭨﮯ ﺍﻭﺭ ﻧﺎﻗﺺ ﺷﯿﻮﺥ ﭘﺎﺋﮯ ﺟﺎﺗﮯ ﮨﯿﮟ۔ ﺗﻢ ﮐﺒﮭﯽ ﺑﮭﯽ ﮐﺴﯽ ﺳﭽﮯ ﻣﺮﺷﺪ ﮐﻮ ﮐﺴﯽ ﺍﯾﺴﮯ ﻣﺮﺷﺪ ﺳﮯ ﻣﺖ ﻣﻼﻧﺎ ﺟﻮ ﻧﻔﺲ ﮐﺎ ﭘﺠﺎﺭﯼ ﮨﻮ ﺍﻭﺭ ﺍﭘﻨﯽ ﺫﺍﺕ ﮐﺎ ﺍﺳﯿﺮ ﮨﻮ۔ ﺍﯾﮏ ﺳﭽﺎ ﻣﺮﺷﺪ ﮐﺒﮭﯽ ﺑﮭﯽ ﺗﻤﮩﯿﮟ ﺍﭘﻨﯽ ﺫﺍﺕ ﮐﺎ ﺍﺳﯿﺮ ﺑﻨﺎﻧﮯ ﮐﯽ ﮐﻮﺷﺶ ﻧﮩﯿﮟ ﮐﺮﮮ ﮔﺎ ﺍﻭﺭ ﻧﮧ ﮨﯽ ﺍﭘﻨﮯ ﻧﻔﺲ ﮐﯿﻠﺌﮯ ﺗﻢ ﺳﮯ ﺗﺎﺑﻌﺪﺍﺭﯼ ﺍﻭﺭ ﺗﻌﺮﯾﻒ ﻭ ﺗﻮ ﺻﯿﻒ ﮐﺎ ﺗﻘﺎﺿﺎ ﮐﺮﮮ ﮔﺎ۔ ﺑﻠﮑﮧ ﺍﺳﮑﮯ ﺑﺮﻋﮑﺲ ﻭﮦ ﺗﻤﮩﯿﮟ ﺗﻤﮩﺎﺭﯼ ﺍﺻﻞ ﺍﻭﺭ ﺣﻘﯿﻘﯽ ﺷﺨﺼﯿﺖ ﺳﮯ ﻣﺘﺎﺭﻑ ﮐﺮﻭﺍﺋﮯ ﮔﺎ۔ ﺳﭽﮯ ﺍﻭﺭ ﮐﺎﻣﻞ ﻣﺮﺷﺪ ﺗﻮ ﮐﺴﯽ ﺷﯿﺸﮯ ﮐﯽ ﻣﺎﻧﻨﺪ ﺷﻔﺎ ﻑ ﮨﻮﺗﮯ ﮨﯿﮟ ﺗﺎﮐﮧ ﺧﺪﺍ ﮐﺎ ﻧﻮﺭ ﺍﻥ ﻣﯿﮟ ﺳﮯ ﮐﺎﻣﻞ ﻃﻮﺭ ﭘﺮ ﭼِﮭﻦ ﮐﺮ ﺗﻢ ﺗﮏ ﭘﮩﻨﭻ ﺳﮑﮯ۔
-14 ﺯﻧﺪﮔﯽ ﻣﯿﮟ ﺟﻮ ﺑﮭﯽ ﺗﺒﺪﯾﻠﯽ ﺗﻤﮩﺎﺭﮮ ﺭﺍﺳﺘﮯ ﻣﯿﮟ ﺁﺋﮯ، ﺍﺳﮑﮯ ﺍﺳﺘﻘﺒﺎﻝ ﮐﯿﻠﺌﮯ ﺗﯿﺎﺭ ﺭﮨﻮ، ﺍﺳﮑﯽ ﻣﺰﺍﺣﻤﺖ ﻣﺖ ﮐﺮﻭ ﺑﻠﮑﮧ ﺯﻧﺪﮔﯽ ﮐﻮ ﺍﺱ ﺑﺎﺕ ﮐﺎ ﻣﻮﻗﻊ ﺩﻭ ﮐﮧ ﺗﻢ ﻣﯿﮟ ﺳﮯ ﮔﺬﺭ ﮐﺮ ﺍﭘﻨﺎ ﺭﺍﺳﺘﮧ ﺑﻨﺎﺳﮑﮯ۔ ﺍﺱ ﺑﺎﺕ ﮐﯽ ﻓﮑﺮ ﻣﺖ ﮐﺮﻭ ﮐﮧ ﺯﻧﺪﮔﯽ ﻣﯿﮟ ﻧﺸﯿﺐ ﻭ ﻓﺮﺍﺯ ﺁﺭﮨﮯ ﮨﯿﮟ۔ ﺗﻤﮩﯿﮟ ﮐﯿﺎ ﭘﺘﮧ ﮐﮧ ﺁﻧﮯ ﻭﺍﻟﯽ ﺗﺒﺪﯾﻠﯽ ﺗﻤﮩﺎﺭﮮ ﺣﻖ ﻣﯿﮟ ﺑﮩﺘﺮ ﮨﮯ ﯾﺎ ﻣﻮﺟﻮﺩﮦ ﺣﺎﻟﺖ؟
-15 ﮨﺮ ﺍﻧﺴﺎﻥ ﺍﯾﮏ ﺗﺸﻨﮧﺀِ ﺗﮑﻤﯿﻞ ﻓﻦ ﭘﺎﺭﮦ ﮨﮯ۔ﺟﺴﮑﯽ ﺗﮑﻤﯿﻞ ﮐﯿﻠﺌﮯ ﺧﺪﺍ ﮨﺮ ﺍﻧﺴﺎﻥ ﮐﮯ ﺳﺎﺗﮫ ﺩﺍﺧﻠﯽ ﺍﻭﺭ ﺧﺎﺭﺟﯽ ﻃﻮﺭ ﭘﺮ ﻣﺼﺮﻭﻑِ ﮐﺎﺭ ﮨﮯ ۔ ﯾﮧ ﺍﯾﮏ ﻣﺴﻠﺴﻞ ﻋﻤﻞ ﮨﮯ۔ ﺧﺪﺍ ﮨﻢ ﻣﯿﮟ ﺳﮯ ﮨﺮ ﺍﯾﮏ ﮐﮯ ﺳﺎﺗﮫ ﺍﻧﻔﺮﺍﺩﯼ ﺳﻄﺢ ﭘﺮ ﻣﻌﺎﻣﻠﮧ ﮐﺮﺗﺎ ﮨﮯ ﮐﯿﻮﻧﮑﮧ ﺍﻧﺴﺎﻧﯿﺖ ﺍﯾﮏ ﺑﯿﺤﺪ ﻟﻄﯿﻒ ﺍﻭﺭ ﻧﻔﯿﺲ ﻣﺼﻮﺭﯼ ﮐﺎ ﺷﮩﮑﺎﺭ ﮨﮯ ﺟﺲ ﭘﺮ ﺛﺒﺖ ﮐﯿﺎ ﺟﺎﻧﮯ ﻭﺍﻻ ﮨﺮ ﺍﯾﮏ ﻧﻘﻄﮧ ﭘﻮﺭﯼ ﺗﺼﻮﯾﺮ ﮐﯿﻠﺌﮯ ﯾﮑﺴﺎﮞ ﺍﮨﻤﯿﺖ ﮐﺎ ﺣﺎﻣﻞ ﮨﻮﺗﺎ ﮨﮯ۔
-16 ﺍﯾﮏ ﺑﻠﻨﺪ ﻭ ﺑﺮﺗﺮ ﺫﺍﺕ ﺍﻭﺭ ﮨﺮ ﻃﺮﺡ ﮐﮯ ﻧﻘﺺ ﺳﮯ ﭘﺎﮎ ﺧﺪﺍ ﺳﮯ ﻣﺤﺒﺖ ﮐﺮﻧﺎ ﺑﻈﺎﮨﺮ ﺗﻮ ﺁﺳﺎﻥ ﺳﯽ ﺑﺎﺕ ﻣﻌﻠﻮﻡ ﮨﻮﺗﯽ ﮨﮯ۔، ﻟﯿﮑﻦ ﺍﺱ ﺳﮯ ﮐﮩﯿﮟ ﺯﯾﺎﺩﮦ ﻣﺸﮑﻞ ﺑﺎﺕ ﯾﮧ ﮨﮯ ﮐﮧ ﺍﻧﺴﺎﻥ ﺍﭘﻨﮯ ﺍﺑﻨﺎﺋﮯ ﺟﻨﺲ ﺳﮯ ﻣﺤﺒﺖ ﮐﺮﮮ ﺟﻦ ﻣﯿﮟ ﮨﺮ ﻃﺮﺡ ﮐﯽ ﮐﻤﺰﻭﺭﯾﺎﮞ ﺍﻭﺭ ﺧﺎﻣﯿﺎﮞ ﭘﺎﺋﯽ ﺟﺎﺗﯽ ﮨﯿﮟ۔ ﯾﺎﺩ ﺭﮐﮭﻮ ﮐﮧ ﺍﻧﺴﺎﻥ ﺍﺳﯽ ﮐﻮ ﺟﺎﻥ ﺳﮑﺘﺎ ﮨﮯ ﺟﺲ ﺳﮯ ﻭﮦ ﻣﺤﺒﺖ ﮐﺮﻧﮯ ﭘﺮ ﻗﺎﺩﺭ ﮨﻮ۔ ﻣﺤﺒﺖ ﮐﮯ ﺑﻐﯿﺮ ﮐﻮﺋﯽ ﻣﻌﺮﻓﺖ ﻣﻌﺮﻓﺖ ﻧﮩﯿﮟ ﮨﻮﺗﯽ۔ ﺟﺐ ﺗﮏ ﮨﻢ ﺍﻟﻠﮧ ﮐﯽ ﺗﺨﻠﯿﻖ ﺳﮯ ﻣﺤﺒﺖ ﮐﺮﻧﺎ ﻧﮩﯿﮟ ﺳﯿﮑﮭﺘﮯ، ﺗﺐ ﺗﮏ ﮨﻢ ﺍﺱ ﻗﺎﺑﻞ ﻧﮩﯿﮟ ﮨﻮﺳﮑﺘﮯ ﮐﮧ ﺍﻟﻠﮧ ﺳﮯ ﺣﻘﯿﻘﯽ ﻃﻮﺭ ﭘﺮ ﻣﺤﺒﺖ ﮐﺮﺳﮑﯿﮟ ﺍﻭﺭ ﺍﺳﮑﻮ ﺟﺎﻥ ﭘﺎﺋﯿﮟ۔
-17 ﺍﺻﻞ ﻧﺎﭘﺎﮐﯽ ﺗﻮ ﺍﻧﺪﺭ ﮐﯽ ﻧﺎﭘﺎﮐﯽ ﮨﮯ۔ ﺑﺎﻗﯽ ﺳﺐ ﺗﻮ ﺁﺳﺎﻧﯽ ﺳﮯ ﺩُﮬﻞ ﺟﺎﺗﺎ ﮨﮯ۔ ﮔﺮﺩ ﻭ ﻏﺒﺎﺭ ﮐﯽ ﺑﺲ ﺍﯾﮏ ﮨﯽ ﻗﺴﻢ ﮨﮯ ﺟﻮ ﭘﺎﮐﯿﺰﮦ ﭘﺎﻧﯽ ﺳﮯ ﺻﺎﻑ ﻧﮩﯿﮟ ﮨﻮﭘﺎﺗﯽ، ﺍﻭﺭ ﻭﮦ ﮨﮯ ﻧﻔﺮﺕ ﺍﻭﺭ ﺗﻌﺼﺐ ﮐﮯ ﺩﮬﺒﮯ، ﺟﻮ ﺭﻭﺡ ﮐﻮ ﺁﻟﻮﺩﮦ ﮐﺮﺩﯾﺘﮯ ﮨﯿﮟ۔ ﺗﻢ ﺗﺮﮎِ ﺩﻧﯿﺎ ﺳﮯ ﺍﻭﺭ ﺭﻭﺯﮮ ﺭﮐﮭﻨﮯ ﺳﮯ ﺍﭘﻨﮯ ﺑﺪﻥ ﮐﺎ ﺗﺰﮐﯿﮧ ﺗﻮ ﺣﺎﺻﻞ ﮐﺮﺳﮑﺘﮯ ﮨﻮ، ﻟﯿﮑﻦ ﻗﻠﺐ ﮐﺎ ﺗﺰﮐﯿﮧ ﺻﺮﻑ ﻣﺤﺒﺖ ﺳﮯ ﮨﯽ ﮨﻮﮔﺎ۔
-18 ﭘﻮﺭﯼ ﮐﯽ ﭘﻮﺭﯼ ﮐﺎﺋﻨﺎﺕ ﺍﯾﮏ ﺍﻧﺴﺎﻥ ﮐﮯ ﺍﻧﺪﺭ ﻣﻮﺟﻮﺩ ﮨﮯ۔ ﺗﻢ ﺍﻭﺭ ﺗﻤﮩﺎﺭﮮ ﺍﺭﺩ ﮔﺮﺩ ﺟﻮ ﮐﭽﮫ ﺗﻤﮩﯿﮟ ﺩﮐﮭﺎﺋﯽ ﺩﯾﺘﺎ ﮨﮯ، ﺗﻤﺎﻡ ﭼﯿﺰﯾﮟ ﺧﻮﺍﮦ ﺗﻤﮩﯿﮟ ﭘﺴﻨﺪ ﮨﻮﮞ ﯾﺎ ﻧﺎﭘﺴﻦ، ﺗﻤﺎﻡ ﻟﻮﮒ ﺧﻮﺍﮦ ﺗﻢ ﺍﻥ ﮐﯿﻠﺌﮯﺭﻏﺒﺖ ﺭﻣﺤﺴﻮﺱ ﮐﺮﺗﮯ ﮨﻮ ﯾﺎ ﮐﺮﺍﮨﺖ، ﯾﮧ ﺳﺐ ﮐﮯ ﺳﺐ ﺗﻤﮩﺎﺭﮮ ﺍﭘﻨﮯ ﺍﻧﺪﺭ ﮐﺴﯽ ﻧﮧ ﮐﺴﯽ ﺩﺭﺟﮯ ﻣﯿﮟ ﻣﻠﯿﮟ ﮔﮯ۔ ﭼﻨﺎﻧﭽﮧ، ﺷﯿﻄﺎﻥ ﮐﻮ ﺑﺎﮨﺮ ﻣﺖ ﺩﯾﮑﮭﻮ، ﺑﻠﮑﮧ ﺍﭘﻨﮯ ﺍﻧﺪﺭ ﺗﻼﺵ ﮐﺮﻭ۔ ﺷﯿﻄﺎﻥ ﮐﻮ ﺋﯽ ﺍﯾﺴﯽ ﻏﯿﺮ ﻣﻌﻤﻮﻟﯽ ﻗﻮﺕ ﻧﮩﯿﮟ ﺟﻮ ﺗﻢ ﭘﺮ ﺑﺎﮨﺮ ﺳﮯ ﺣﻤﻠﮧ ﺁﻭﺭ ﮨﻮﺗﯽ ﮨﮯ ، ﺑﻠﮑﮧ ﺗﻤﮩﺎﺭﮮ ﺍﻧﺪﺭ ﺳﮯ ﺍﺑﮭﺮﻧﮯ ﻭﺍﻟﯽ ﺍﯾﮏ ﻣﻌﻤﻮﻟﯽ ﺳﯽ ﺁﻭﺍﺯ ﮐﺎ ﻧﺎﻡ ﮨﮯ۔ ﺍﮔﺮ ﺗﻢ ﭘﻮﺭﯼ ﻣﺤﻨﺖ ﺍﻭﺭ ﺩﯾﺎﻧﺖ ﺳﮯ ﮐﺒﮭﯽ ﺍﭘﻨﯽ ﺫﺍﺕ ﮐﮯ ﺭﻭﺷﻦ ﺍﻭﺭ ﺗﺎﺭﯾﮏ ﮔﻮﺷﻮﮞ ﮐﻮ ﺩﯾﮑﮭﻨﮯ ﮐﮯ ﻗﺎﺑﻞ ﮨﻮﺟﺎﺅ ﺗﻮ ﺗﻢ ﭘﺮ ﺍﯾﮏ ﻋﻈﯿﻢ ﺍﻭﺭ ﺑﺮﺗﺮ ﺷﻌﻮﺭ ﮐﺎ ﺩﺭﯾﭽﮧ ﮐﮭﻠﮯ ﮔﺎ۔ ﺟﺐ ﮐﻮﺋﯽ ﺷﺨﺺ ﺍﭘﻨﮯ ﺁﭖ ﮐﻮ ﺟﺎﻥ ﻟﯿﺘﺎ ﮨﮯ ﺗﻮ ﻭﮦ ﺍﭘﻨﮯ ﺭﺏ ﮐﻮ ﺑﮭﯽ ﺟﺎﻥ ﻟﯿﺘﺎ ﮨﮯ۔
-19 ﺍﮔﺮ ﺗﻢ ﭼﺎﮨﺘﮯ ﮨﻮ ﮐﮧ ﻟﻮﮒ ﺗﻤﮩﺎﺭﮮ ﺳﺎﺗﮫ ﺍﭘﻨﮯ ﺑﺮﺗﺎﺅ ﮐﻮ ﺍﻭﺭ ﺭﻭﯾﮯ ﮐﻮ ﺗﺒﺪﯾﻞ ﮐﺮﺩﯾﮟ، ﺗﻮ ﺍﺳﮑﮯ ﻟﺌﮯ ﭘﮩﻠﮯ ﺗﻤﮩﯿﮟ ﺍﺱ ﺭﻭﯾﮯ ﮐﻮ ﺗﺒﺪﯾﻞ ﮐﺮﻧﺎ ﮨﻮﮔﺎ ﺟﻮ ﺗﻢ ﺍﭘﻨﮯ ﺁﭖ ﮐﮯ ﺳﺎﺗﮫ ﺭﻭﺍ ﺭﮐﮭﮯ ﮨﻮﺋﮯ ﮨﻮ۔ ﺟﺐ ﺗﮏ ﺗﻢ ﺍﭘﻨﮯ ﺁﭖ ﺳﮯ ﭘﻮﺭﮮ ﺧﻠﻮﺹ ﺳﮯ ﺍﻭﺭ ﭘﻮﺭﯼ ﻃﺮﺡ ﻣﺤﺒﺖ ﮐﺮﻧﺎ ﻧﮩﯿﮟ ﺳﯿﮑﮭﺘﮯ، ﺑﮩﺖ ﻣﺸﮑﻞ ﮨﮯ ﮐﮧ ﺗﻤﮩﯿﮟ ﻣﺤﺒﺖ ﻧﺼﯿﺐ ﮨﻮ۔ ﺍﻭﺭﺟﺐ ﯾﮧ ﻣﺮﺗﺒﮧ ﺣﺎﺻﻞ ﮨﻮﺟﺎﺋﮯ ﺗﻮ ﭘﮭﺮ ﮨﺮ ﺍُﺱ ﮐﺎﻧﭩﮯ ﮐﯿﻠﺌﮯ ﺑﮭﯽ ﺷﮑﺮ ﮔﺬﺍﺭ ﺭﮨﻮ ﺟﻮ ﺗﻤﮩﺎﺭﮮ ﺭﺍﺳﺘﮯ ﻣﯿﮟ ﭘﮭﯿﻨﮑﺎ ﺟﺎﺋﮯ۔ ﮐﯿﻮﻧﮑﮧ ﯾﮧ ﺍﺱ ﺑﺎﺕ ﮐﯽ ﻋﻼﻣﺖ ﮨﮯ ﮐﮧ ﺗﻢ ﭘﺮ ﻋﻨﻘﺮﯾﺐ ﭘﮭﻮﻝ ﺑﮭﯽ ﻧﭽﮭﺎﻭﺭ ﮨﻮﻧﮕﮯ۔
-20 ﺍﺱ ﺑﺎﺕ ﭘﺮ ﭘﺮﯾﺸﺎﻥ ﻣﺖ ﮨﻮ ﮐﮧ ﺭﺍﺳﺘﮧ ﮐﮩﺎﮞ ﻟﯿﮑﺮ ﺟﺎﺋﮯ ﮔﺎ، ﺑﻠﮑﮧ ﺍﭘﻨﯽ ﺗﻮﺟﮧ ﺍﭘﻨﮯ ﭘﮩﻠﮯ ﻗﺪﻡ ﭘﺮ ﺭﮐﮭﻮ۔ ﯾﮩﯽ ﺗﻤﮩﺎﺭﯼ ﺯﻣﮧ ﺩﺍﺭﯼ ﮨﮯ ﺍﻭﺭ ﯾﮩﯽ ﺳﺐ ﺳﮯﻣﺸﮑﻞ ﮐﺎﻡ ﮨﮯ۔ ﺟﺐ ﭘﮩﻼ ﻗﺪﻡ ﺍﭨﮭﺎﻟﯿﺎ، ﺗﻮ ﭘﮭﺮ ﺍﺳﮑﮯ ﺑﻌﺪ ﮨﺮ ﺷﺌﮯ ﮐﻮ ﺍﭘﻨﮯ ﻗﺪﺭﺗﯽ ﺍﻧﺪﺍﺯ ﻣﯿﮟ ﮐﺎﻡ ﮐﺮﻧﮯ ﺩﻭ ﺍﻭﺭ ﺗﻢ ﺩﯾﮑﮭﻮ ﮔﮯ ﮐﮧ ﺭﺍﺳﺘﮧ ﺧﻮﺩﺑﺨﻮﺩ ﮐﮭﻠﺘﺎ ﺟﺎﺋﮯ ﮔﺎ۔ ﺑﮩﺎﺅ ﮐﮯ ﺳﺎﺗﮫ ﻣﺖ ﺑﮩﻮ، ﺑﻠﮑﮧ ﺧﻮﺩ ﺍﯾﮏ ﻟﮩﺮ ﺑﻦ ﺟﺎﺅ ﺟﺴﮑﺎ ﺍﭘﻨﺎ ﺍﯾﮏ ﺑﮩﺎﺅ ﮨﻮﺗﺎ ﮨﮯ۔
-21 ﺍُﺱ ﻧﮯ ﮨﻢ ﺳﺐ ﮐﻮﺍﭘﻨﯽ ﺻﻮﺭﺕ ﭘﺮ ﭘﯿﺪﺍ ﮐﯿﺎ ﮨﮯ ﻟﯿﮑﻦ ﺍﺳﮑﮯ ﺑﺎﻭﺟﻮﺩ ﮨﻢ ﺳﺐ ﺍﯾﮏ ﺩﻭﺳﺮﮮ ﺳﮯ ﻣﺨﺘﻠﻒ ﺍﻭﺭ ﯾﮑﺘﺎ ﻭ ﻣﻤﺘﺎﺯ ﮨﯿﮟ۔ ﮐﻮﺋﯽ ﺑﮭﯽ ﺩﻭ ﺍﻧﺴﺎﻥ ﺍﯾﮏ ﺟﯿﺴﮯ ﻧﮩﯿﮟ۔ ﮐﻮﺋﯽ ﺑﮭﯽ ﺩﻭ ﺩﻝ ﯾﮑﺴﺎﮞ ﻃﻮﺭ ﭘﺮ ﻧﮩﯿﮟ ﺩﮬﮍﮐﺘﮯ۔ ﺍﮔﺮ ﻭﮦ ﭼﺎﮨﺘﺎ ﺗﻮ ﮐﮧ ﺳﺐ ﻟﻮﮒ ﺍﯾﮏ ﺟﯿﺴﮯ ﮨﻮﺟﺎﺋﯿﮟ، ﺗﻮ ﻭﮦ ﺍﻧﮑﻮ ﺍﯾﮏ ﺟﯿﺴﺎ ﮨﯽ ﺑﻨﺎﺗﺎ۔ ﭼﻨﺎﻧﭽﮧ ﺍﺏ ﺍﻥ ﺍﺧﺘﻼﻓﺎﺕ ﮐﯽ ﺗﻮﮨﯿﻦ ﻭ ﺗﻨﻘﯿﺺ ﮐﺮﻧﺎ ﺍﻭﺭ ﺍﭘﻨﮯ ﺍﻓﮑﺎﺭ ﮐﻮ ﺩﻭﺳﺮﻭﮞ ﭘﺮ ﻣﺴﻠﻂ ﮐﺮﻧﮯ ﮐﯽ ﮐﻮﺷﺶ ﮐﺮﻧﺎ ﺩﺭﺍﺻﻞ ﭘﺮﻭﺭﺩﮔﺎﺭِ ﻋﺎﻟﻢ ﮐﯽ ﻗﻀﺎ ﻭ ﻗﺪﺭ ﺍﻭﺭ ﺑﻠﻨﺪ ﭘﺎﯾﮧ ﺣﮑﻤﺖ ﮐﯽ ﺗﻮﮨﯿﻦ ﮐﮯ ﻣﺘﺮﺍﺩﻑ ﮨﮯ۔
-22 ﺟﺐ ﺍﺳﮑﺎ ﺳﭽﺎ ﭼﺎﮨﻨﮯ ﻭﺍﻻ ﮐﺒﮭﯽ ﻣﯿﮑﺪﮮ ﻣﯿﮟ ﺟﺎ ﭘﮩﻨﭽﮯ، ﺗﻮ ﻭﮦ ﻣﯿﮑﺪﮦ ﺍﺳﮑﮯ ﻟﺌﮯ ﻣﺤﺮﺍﺏ ﻭ ﻣﺼﻠﮯ ﮐﯽ ﺻﻮﺭﺕ ﺍﺧﺘﯿﺎﺭ ﮐﺮﻟﯿﺘﺎ ﮨﮯ، ﻟﯿﮑﻦ ﺍﮔﺮ ﮐﻮﺋﯽ ﺑﮩﮑﺎ ﮨﻮﺍ ﻣﺌﮯ ﺧﻮﺍﺭ ﻣﺴﺠﺪ ﻣﯿﮟ ﺑﮭﯽ ﭼﻼ ﺟﺎﺋﮯ ﺗﻮ ﻭﮦ ﺍﺳﮑﮯ ﻟﺌﮯ ﻣﯿﺨﺎﻧﮧ ﺑﻦ ﺟﺎﺗﯽ ﮨﮯ۔ ﺟﻮ ﮐﭽﮫ ﺑﮭﯽ ﮨﻢ ﮐﺮﺗﮯ ﮨﯿﮟ ﺍﺱ ﻣﯿﮟ ﺍﺻﻞ ﮐﺮﺩﺍﺭ ﺗﻮ ﮨﻤﺎﺭﮮ ﺩﻝ ﮐﺎ ﮨﮯ، ﮨﻤﺎﺭﮮ ﺍﻧﺪﺭ ﮐﺎ ﮨﮯ ، ﻇﺎﮨﺮ ﮐﺎ ﻧﮩﯿﮟ۔ ﺻﻮﻓﯽ ﻟﻮﮔﻮﮞ ﮐﻮ ﺍﻧﮑﮯ ﺣﻠﺌﮯ ﺍﻭﺭ ﺍﻧﮑﯽ ﻭﺿﻊ ﻗﻄﻊ ﺳﮯ ﻧﮩﯿﮟ ﺟﺎﻧﭽﺘﮯ۔ ﺟﺐ ﺍﯾﮏ ﺻﻮﻓﯽ ﮐﺴﯽ ﭘﺮ ﺍﭘﻨﯽ ﻧﮕﺎﮦ ﺟﻤﺎﺗﺎ ﮨﮯ ﺗﻮ ﻭﮦ ﺩﺭﺍﺻﻞ ﺍﭘﻨﯽ ﺩﻭﻧﻮﮞ ﺁﻧﮑﮭﻮﮞ ﮐﻮ ﺑﻨﺪ ﮐﺮﭼﮑﺎ ﮨﻮﺗﺎ ﮨﮯ ﺍﻭﺭ ﺍﯾﮏ ﺗﯿﺴﺮﯼ ﺁﻧﮑﮫ ﺳﮯ ‏( ﺟﻮ ﺍﺳﮑﮯ ﻗﻠﺐ ﻣﯿﮟ ﮨﮯ ‏) ﺍﺱ ﻣﻨﻈﺮ ﮐﮯ ﺍﻧﺪﺭ ﮐﺎ ﺟﺎﺋﺰﮦ ﻟﮯ ﺭﮨﺎ ﮨﻮﺗﺎ ﮨﮯ۔
-23 ﺯﻧﺪﮔﯽ ﺗﻮ ﺍﯾﮏ ﺍﺩﮬﺎﺭ ﮐﯽ ﻣﺎﻧﻨﺪ ﻧﺎﭘﺎﺋﯿﺪﺍﺭ ﮨﮯ ﺍﻭﺭ ﺍﺻﻞ ﺣﻘﯿﻘﺖ ﮐﺎ ﺍﯾﮏ ﺩﮬﻨﺪﻻ ﺳﺎ ﺧﺎﮐﮧ ﺍﻭﺭ ﻧﻘﻞ۔ ﺻﺮﻑ ﺑﭽﮯ ﮨﯽ ﺍﺻﻞ ﺣﻘﯿﻘﺖ ﮐﯽ ﺑﺠﺎﺋﮯ ﮐﮭﻠﻮﻧﻮﮞ ﺳﮯ ﺑﮩﻠﺘﮯ ﮨﯿﮟ۔ ﻟﯿﮑﻦ ﺍﺳﮑﮯ ﺑﺎﻭﺟﻮﺩ، ﻟﻮﮒ ﮐﮭﻠﻮﻧﻮﮞ ﭘﺮ ﻓﺮﯾﻔﺘﮧ ﮨﻮﺗﮯ ﮨﯿﮟ ﯾﺎ ﺑﮯ ﻗﺪﺭﯼ ﺳﮯ ﺍﻧﮩﯿﮟ ﺗﻮﮌ ﮈﺍﻟﺘﮯ ﮨﯿﮟ۔ ﺍﺱ ﺯﻧﺪﮔﯽ ﻣﯿﮟ ﮨﺮ ﻗﺴﻢ ﮐﯽ ﺍﻧﺘﮩﺎﺅﮞ ﺳﮯ ﺩﻭﺭ ﺭﮨﻮ، ﮐﯿﻮﻧﮑﮧ ﺍﻧﺘﮩﺎﭘﺴﻨﺪﯼ ﺗﻤﮩﺎﺭﮮ ﺍﻧﺪﺭﻭﻧﯽ ﺗﻮﺍﺯﻥ ﮐﻮ ﺑﮕﺎﮌ ﺩﯾﺘﯽ ﮨﮯ۔ ﺻﻮﻓﯽ ﺍﭘﻨﮯ ﺭﻭﯾﻮﮞ ﻣﯿﮟ ﺍﻧﺘﮩﺎ ﭘﺴﻨﺪ ﻧﮩﯿﮟ ﮨﻮﺗﮯ ﺑﻠﮑﮧ ﻣﺘﻮﺍﺯﻥ ﺍﻭﺭ ﻧﺮﻡ ﮨﻮﺗﮯ ﮨﯿﮟ۔
-24 ﭘﺮﻭﺭﺩﮔﺎﺭ ﮐﯽ ﺳﻠﻄﻨﺖ ﻣﯿﮟ ﺍﻧﺴﺎﻥ ﮐﻮ ﺑﮩﺖ ﺧﺎﺹ ﻣﻘﺎﻡ ﻭ ﻣﺮﺗﺒﮧ ﺣﺎﺻﻞ ﮨﮯ۔ ﺍﻟﻠﮧ ﻧﮯ ﮐﮩﺎ ، " ﺍﻭﺭ ﻣﯿﮟ ﻧﮯ ﺍﺳﮑﮯ ﺍﻧﺪﺭ ﺍﭘﻨﯽ ﺭﻭﺡ ﻣﯿﮟ ﺳﮯ ﭘﮭﻮﻧﮏ ﺩﯾﺎ " ۔ ﮨﻢ ﻣﯿﮟ ﺳﮯ ﮨﺮ ﺍﯾﮏ ﮐﻮ ﺍﺱ ﻗﺎﺑﻠﯿﺖ ﮐﮯ ﺳﺎﺗﮫ ﭘﯿﺪﺍ ﮐﯿﺎ ﮔﯿﺎ ﮨﮯ ﮐﮧ ﻭﮦ ﺍﺳﮑﺎ ﺧﻠﯿﻔﮧ ﺑﻦ ﺳﮑﮯ۔ ﺍﭘﻨﮯ ﺁﭖ ﺳﮯ ﭘﻮﭼﮭﻮ ﮐﮧ ﮐﯿﺎ ﺗﻤﮩﺎﺭﮮ ﺍﻋﻤﺎﻝ ﺍﺳﮑﮯ ﺧﻠﯿﻔﮧ ﺟﯿﺴﮯ ﮨﯿﮟ؟ ﯾﺎﺩ ﺭﮐﮭﻮ ﮐﮧ ﮨﻢ ﭘﺮ ﻻﺯﻡ ﮨﮯ ﮐﮧ ﮨﻢ ﺍﺱ ﺭﺣﻤﺎﻧﯽ ﺭﻭﺡ ﮐﻮ ‏( ﺟﻮ ﮨﻢ ﻣﯿﮟ ﭘﮭﻮﻧﮑﯽ ﮔﺌﯽ ﮨﮯ ‏) ﮐﻮ ﺍﭘﻨﮯ ﺍﻧﺪﺭ ﺩﺭﯾﺎﻓﺖ ﮐﺮﯾﮟ ، ﭘﮩﭽﺎﻧﯿﮟ ﺍﻭﺭ ﺍﺳﮑﮯ ﺳﺎﺗﮫ ﺟﺌﯿﮟ۔
-25 ﺟﻨﺖ ﺍﻭﺭ ﺩﻭﺯﺥ ﮐﮯ ﺑﺎﺭﮮ ﻣﯿﮟ ﻓﮑﺮﻣﻨﺪ ﺭﮨﻨﺎ ﭼﮭﻮﮌﺩﻭ ﮐﯿﻮﻧﮑﮧ ﺟﻨﺖ ﺍﻭﺭ ﺩﻭﺯﺥ ﯾﮩﯿﮟ ﮨﯿﮟ ﺍﺳﯽ ﻟﻤﺤﮧﺀِ ﻣﻮﺟﻮﺩ ﻣﯿﮟ۔ ﺟﺐ ﺑﮭﯽ ﮨﻢ ﻣﺤﺒﺖ ﻣﺤﺴﻮﺱ ﮐﺮﺗﮯ ﮨﯿﮟ، ﺟﻨﺖ ﮐﺎ ﺍﯾﮏ ﺯﯾﻨﮧ ﻃﮯ ﮐﺮﺗﮯ ﮨﯿﮟ ﺍﻭﺭ ﺟﺐ ﺑﮭﯽ ﻧﻔﺮﺕ ، ﺣﺴﺪ ﺍﻭﺭ ﺟﮭﮕﺮﮮ ﻣﯿﮟ ﭘﮍﺗﮯ ﮨﯿﮟ، ﺩﻭﺯﺥ ﮐﯽ ﻟﭙﭩﻮﮞ ﮐﯽ ﺯﺩ ﻣﯿﮟ ﮨﻮﺗﮯ ﮨﯿﮟ۔ ﮐﯿﺎ ﺍﺱ ﺳﮯ ﺑﮭﯽ ﺑﺪ ﺗﺮ ﮐﻮﺋﯽ ﺩﻭﺯﺥ ﮨﻮﺳﮑﺘﺎ ﮨﮯ ﺟﺐ ﮐﻮﺋﯽ ﺷﺨﺺ ﺍﭘﻨﮯ ﺩﻝ ﮐﯽ ﮔﮩﺮﺍﺋﯿﻮﮞ ﻣﯿﮟ ﯾﮧ ﺍﺣﺴﺎﺱ ﭘﺎﺋﮯ ﮐﮧ ﺍﺱ ﺳﮯ ﮐﻮﺋﯽ ﺑﯿﺤﺪ ﻏﻠﻂ ﺍﻭﺭ ﺑﺮﺍ ﮐﺎﻡ ﺳﺮﺯﺩ ﮨﻮﮔﯿﺎ ﮨﮯ۔ ﺍﺱ ﺷﺨﺺ ﺳﮯ ﭘﻮﭼﮫ ﮐﺮﺩﯾﮑﮭﻮ ﻭﮦ ﺗﻤﮩﯿﮟ ﺑﺘﺎﺋﮯ ﮔﺎ ﮐﮧ ﺩﻭﺯﺥ ﮐﺴﮯ ﮐﮩﺘﮯ ﮨﯿﮟ۔ ﺍﻭﺭ ﮐﯿﺎ ﺍﺱ ﺳﮯ ﺑﮍﯼ ﺑﮭﯽ ﮐﻮﺋﯽ ﺟﻨﺖ ﮨﻮﺳﮑﺘﯽ ﮨﮯ ﺟﺐ ﮐﺴﯽ ﺷﺨﺺ ﭘﺮ ﺧﺎﺹ ﻟﻤﺤﺎﺕ ﻣﯿﮟ ﻭﮦ ﺳﮑﯿﻨﺖ ﻧﺎﺯﻝ ﮨﻮﺗﯽ ﮨﮯ ﺟﺐ ﺍﺱ ﭘﺮ ﮐﺎﺋﻨﺎﺕ ﮐﮯ ﺩﺭﯾﭽﮯ ﮐﺸﺎﺩﮦ ﮨﻮﺗﮯ ﮨﯿﮟ ﺍﻭﺭ ﺍﻧﺴﺎﻥ ﺍﭘﻨﮯ ﺭﺏ ﮐﮯ ﺳﺎﺗﮫ ﻗﺮﺏ ﮐﯽ ﺣﺎﻟﺖ ﻣﯿﮟ ﺍﺑﺪﯾﺖ ﮐﮯ ﺍﺳﺮﺍﺭ ﺳﮯ ﮨﻤﮑﻨﺎﺭ ﮨﻮﺗﺎ ﮨﮯ؟ ﭘﻮﭼﮭﻮ ﺍﺱ ﺷﺨﺺ ﺳﮯ، ﻭﮦ ﺗﻤﮩﯿﮟ ﺑﺘﺎﺋﮯ ﮔﺎ ﮐﮧ ﺟﻨﺖ ﮐﯿﺎ ﮨﻮﺗﯽ ﮨﮯ۔
-26 ﮐﺎﺋﻨﺎﺕ ﺍﯾﮏ ﻭﺟﻮﺩِ ﻭﺍﺣﺪ ﮨﮯ۔ ﯾﮩﺎﮞ ﮨﺮ ﮐﻮﺋﯽ ﺍﭘﻨﮯ ﺍﭘﻨﮯ ﻭﺍﻗﻌﺎﺕ ﮐﮯ ﻏﯿﺮ ﻣﺮﺋﯽ ﺩﮬﺎﮔﻮﮞ ﺳﮯ ﺍﯾﮏ ﺩﻭﺳﺮﮮ ﮐﮯ ﺳﺎﺗﮫ ﻟﭙﭩﺎ ﮨﻮﺍ ﮨﮯ۔ ﮨﻢ ﺳﺐ ﺟﺎﻧﮯ ﺍﻧﺠﺎﻧﮯ ﻣﯿﮟ ﺍﯾﮏ ﺧﺎﻣﻮﺵ ﻣﮑﺎﻟﻤﮯ ﮐﺎ ﺣﺼﮧ ﮨﯿﮟ۔ ﮐﺴﯽ ﮐﻮ ﺩﮐﮫ ﻧﮧ ﺩﻭ، ﻧﺮﻣﯽ ﺍﻭﺭ ﺷﻔﻘﺖ ﮐﺎ ﺑﺮﺗﺎﺅ ﺭﮐﮭﻮ، ﮐﺴﯽ ﮐﯽ ﭘﯿﭩﮫ ﭘﯿﭽﮫ ﺍﺳﮑﯽ ﺑﺮﺍﺋﯽ ﻣﺖ ﮐﺮﻭ ﺧﻮﺍﮦ ﺍﯾﮏ ﺑﮯ ﺿﺮﺭ ﺳﺎ ﺟﻤﻠﮧ ﮨﯽ ﮐﯿﻮﮞ ﻧﮧ ﮨﻮ۔ ﺍﻟﻔﺎﻅ ﺟﻮ ﺍﯾﮏ ﺑﺎﺭ ﮨﻤﺎﺭﯼ ﺯﺑﺎﻧﻮﮞ ﺳﮯ ﻧﮑﻞ ﺁﺗﮯ ﮨﯿﮟ، ﻭﮦ ﮐﺒﮭﯽ ﻓﻨﺎ ﻧﮩﯿﮟ ﮨﻮﺗﮯ ﺑﻠﮑﮧ ﺍﯾﮏ ﻻﻣﺤﺪﻭﺩ ﻭﺳﻌﺖ ﻣﯿﮟ ﮨﻤﯿﺸﮧ ﮐﯿﻠﺌﮯ ﻣﺤﻔﻮﻅ ﮨﻮﺟﺎﺗﮯ ﮨﯿﮟ ﺍﻭﺭ ﺍﭘﻨﮯ ﻣﻘﺮﺭ ﻭﻗﺖ ﻣﯿﮟ ﻭﺍﭘﺲ ﮨﻢ ﺗﮏ ﺁﻥ ﭘﮩﻨﭽﺘﮯ ﮨﯿﮟ۔ ﺑﺎﻵﺧﺮ،ﮐﺴﯽ ﺑﮭﯽ ﺁﺩﻣﯽ ﮐﯽ ﺗﮑﻠﯿﻒ، ﮨﻢ ﺳﺐ ﮐﻮ ﺍﯾﮏ ﺍﺟﺘﻤﺎﻋﯽ ﺩﮐﮫ ﻣﯿﮟ ﻣﺒﺘﻼ ﮐﺮﺟﺎﺋﮯ ﮔﯽ ﺍﻭﺭﮐﺴﯽ ﺑﮭﯽ ﺁﺩﻣﯽ ﮐﯽ ﺧﻮﺷﯽ ﮨﻢ ﺳﺐ ﮐﮯ ﮨﻮﻧﭩﻮﮞ ﭘﺮ ﻣﺴﮑﺎﻥ ﮐﺎ ﺑﺎﻋﺚ ﺑﻨﮯ ﮔﯽ۔
-27 ﯾﮧ ﺩﻧﯿﺎ ﺍﺱ ﺑﺮﻓﺎﻧﯽ ﭘﮩﺎﮌ ﮐﯽ ﻃﺮﺡ ﮨﮯ ﺟﮩﺎﻥ ﺑﻠﻨﺪ ﮐﯽ ﮔﺌﯽ ﮨﺮ ﺁﻭﺍﺯ، ﭘﮩﺎﮌﻭﮞ ﺳﮯ ﭨﮑﺮﺍ ﮐﺮ ﺑﺎﺯﮔﺸﺖ ﮐﯽ ﺻﻮﺭﺕ ﻣﯿﮟ ﻭﺍﭘﺲ ﮨﻢ ﺗﻢ ﭘﮩﻨﭽﺘﯽ ﮨﮯ۔ ﺟﺐ ﺑﮭﯽ ﺗﻢ ﮐﻮﺋﯽ ﺍﭼﮭﯽ ﯾﺎ ﺑﺮﯼ ﺑﺎﺕ ﮐﺮﻭ ﮔﮯ، ﺗﻢ ﺗﮏ ﻭﺍﭘﺲ ﺿﺮﻭﺭ ﭘﻠﭧ ﮐﺮ ﺁﺋﮯ ﮔﯽ۔ ﭼﻨﺎﻧﭽﮧ ﺍﺏ ﺍﮔﺮ ﺗﻢ ﮐﺴﯽ ﺍﯾﺴﮯ ﺷﺨﺺ ﮐﯿﻠﺌﮯ ﺑﺮﮮ ﮐﻠﻤﺎﺕ ﻣﻨﮧ ﺳﮯ ﻧﮑﺎﻟﻮ، ﺟﻮ ﮨﺮ ﻭﻗﺖ ﺗﻤﮩﺎﺭﺍ ﺑﺮﺍ ﺳﻮﭼﺘﺎ ﺭﮨﺘﺎ ﮨﮯ، ﺗﻮ ﯾﮧ ﺍﺱ ﻣﻌﺎﻣﻠﮯ ﮐﻮ ﺍﻭﺭ ﺑﮭﯽ ﮔﮭﻤﺒﯿﺮ ﺑﻨﺎﺩﮮ ﮔﺎ ﺍﻭﺭ ﺗﻢ ﻣﻨﻔﯽ ﻗﻮﺗﻮﮞ ﮐﮯ ﺍﯾﮏ ﻧﮧ ﺧﺘﻢ ﮨﻮﻧﮯ ﻭﺍﻟﮯ ﭼﮑﺮ ﻣﯿﮟ ﮔﮭﻮﻣﺘﮯ ﺭﮨﻮ ﮔﮯ۔ ﺑﺠﺎﺋﮯ ﺍﺳﮑﮯ ﮐﮧ ﺗﻢ ﺍﺳﮑﮯ ﻟﺌﮯ ﮐﭽﮫ ﺑﺮﺍ ﮐﮩﻮ، ﭼﺎﻟﯿﺲ ﺩﻥ ﺗﮏ ﺍﺳﮑﮯ ﻟﺌﮯ ﺍﭼﮭﺎ ﺳﻮﭼﻮ ﺍﻭﺭ ﺍﭼﮭﯽ ﺑﺎﺕ ﻣﻨﮧ ﺳﮯ ﻧﮑﺎﻟﻮ، ﺗﻢ ﺩﯾﮑﮭﻨﺎ ﮐﮧ ﭼﺎﻟﯿﺲ ﺩﻥ ﺑﻌﺪ ﮨﺮ ﺷﺌﮯ ﻣﺨﺘﻠﻒ ﻣﺤﺴﻮﺱ ﮨﻮﮔﯽ، ﮐﯿﻮﻧﮑﮧ ﺗﻢ ﭘﮩﻠﮯ ﺟﯿﺴﮯ ﻧﮩﯿﮟ ﺭﮨﮯ ﺍﻭﺭ ﺍﻧﺪﺭ ﺳﮯ ﺗﺒﺪﯾﻞ ﮨﻮﮔﺌﮯ۔
-28 ﻣﺎﺿﯽ ﺍﯾﮏ ﺗﻌﺒﯿﺮ ﮨﮯ ﺍﯾﮏ ﻧﻘﻄﮧ ﻧﻈﺮ ﮨﮯ، ﺟﺒﮑﮧ ﻣﺴﺘﻘﺒﻞ ﻣﺎﯾﺎ ‏( Illusion ‏) ﮨﮯ ، ﺍﯾﮏ ﺳﺮﺍﺏ ﮨﮯ۔ ﺩﻧﯿﺎ ﺍﯾﮏ ﺧﻂِ ﻣﺴﺘﻘﯿﻢ ﮐﯽ ﺷﮑﻞ ﻣﯿﻦ ﻭﻗﺖ ﮐﮯ ﺩﮬﺎﺭﮮ ﻣﯿﮟ ﺳﮯ ﻧﮩﯿﮟ ﮔﺬﺭﺗﯽ ﺟﻮ ﻣﺎﺿﯽ ﺳﮯ ﻣﺴﺘﻘﺒﻞ ﮐﯽ ﻃﺮﻑ ﺟﺎ ﺭﮨﺎ ﮨﻮ، ﺑﻠﮑﮧ ﻭﻗﺖ ﮨﻤﺎﺭﮮ ﺍﻧﺪﺭ ﺳﮯ ﺑﺘﺪﺭﯾﺞ ﭘﮭﯿﻠﺘﮯ ﮨﻮﺋﯽ ﻻﻣﺘﻨﺎﮨﯽ ﻗﻮﺳﻮﮞ ‏( Spirals ‏) ﮐﯽ ﺻﻮﺭﺕ ﻣﯿﮟ ﮔﺬﺭﺗﺎ ﮨﮯ۔ ﺍﺑﺪﯾﺖ ﻻﻣﺤﺪﻭﺩ ﻭﻗﺖ ﮐﻮ ﻧﮩﯿﮟ ﺑﻠﮑﮧ ﻭﻗﺖ ﺳﮯ ﻣﺎﻭﺭﺍ ﮨﻮﻧﮯ ﮐﺎ ﻧﺎﻡ ﮨﮯ۔ ﺍﮔﺮ ﺗﻢ ﺍﺑﺪﯼ ﺭﻭﺷﻨﯽ ﮐﮯ ﺣﺎﻣﻞ ﮨﻮﻧﺎ ﭼﺎﮨﺘﮯ ﮨﻮ ﺗﻮ ﻣﺎﺿﯽ ﺍﻭﺭ ﻣﺴﺘﻘﺒﻞ ﮐﻮ ﺍﭘﻨﮯ ﺫﮨﻦ ﺳﮯ ﻧﮑﺎﻝ ﺩﻭ ﺍﻭﺭ ﻓﻘﻂ ﻟﻤﺤﮧﺀِ ﻣﻮﺟﻮﺩ ﻣﯿﮟ ﺑﺎﻗﯽ ﺭﮨﻮ۔ ﯾﮧ ﻟﻤﺤﮧﺀِ ﻣﻮﺟﻮﺩ ﮨﯽ ﺳﺐ ﮐﭽﮫ ﺗﮭﺎ ﺍﻭﺭ ﺳﺐ ﮐﭽﮫ ﮨﮯ ﺍﻭﺭ ﮨﻤﯿﺸﮧ ﺭﮨﮯ ﮔﺎ۔
-29 ﺗﻘﺪﯾﺮ ﮐﺎ ﯾﮧ ﻣﻄﻠﺐ ﻧﮩﯿﮟ ﮐﮧ ﺗﻤﮩﺎﺭﯼ ﺯﻧﺪﮔﯽ ﮐﻮ ﻣﮑﻤﻞ ﻃﻮﺭ ﭘﺮ ﺑﺎﻧﺪﮪ ﮐﺮ ﺭﮐﮫ ﺩﯾﺎ ﮔﯿﺎ ﮨﮯ۔ ﮨﺮ ﺑﺎﺕ ﮐﻮ ﻣﻘﺪﺭ ﭘﺮ ﭼﮭﻮﮌ ﺩﯾﻨﺎ ﺍﻭﺭ ﮐﺎﺋﻨﺎﺕ ﮐﮯ ﺳﺎﺗﮫ ﮨﻢ ﺁﮨﻨﮓ ﮨﻮﻧﮯ ﮐﯽ ﮐﻮﺋﯽ ﮐﻮﺷﺶ ﻧﮧ ﮐﺮﻧﺎ ،ﻣﺤﺾ ﺟﮩﺎﻟﺖ ﮐﯽ ﻋﻼﻣﺖ ﮨﮯ۔ ﮐﺎﺋﻨﺎﺗﯽ ﻣﻮﺳﯿﻘﯽ ﮨﺮ ﻃﺮﻑ ﺳﮯ ﭘﮭﻮﭦ ﺭﮨﯽ ﮨﮯ ﺍﻭﺭ ﺍﺳﮑﮯ ﭼﺎﻟﯿﺲ ﻣﺨﺘﻠﻒ ﺩﺭﺟﺎﺕ ﮨﯿﮟ۔ ﺗﻤﮩﺎﺭﺍ ﻣﻘﺪﺭ ﻭﮦ ﺩﺭﺟﮧ ﮨﮯ ﺟﺲ ﭘﺮ ﺗﻢ ﺍﭘﻨﺎ ﺳﺎﺯ ﺑﺠﺎ ﺭﮨﮯ ﮨﻮ۔ ﮨﻮﺳﮑﺘﺎ ﮨﮯ ﮐﮧ ﺗﻤﮩﺎﺭﺍ ﺳﺎﺯ ﺗﺒﺪﯾﻞ ﻧﮧ ﮐﯿﺎ ﺟﺎﺳﮑﮯ، ﻟﯿﮑﻦ ﺍﺱ ﺳﺎﺯ ﺳﮯ ﺟﻮ ﻧﻐﻤﮧ ﺍﻭﺭ ﺟﻮ ﺩُﮬﻦ ﺗﻢ ﻧﮑﺎﻟﺘﮯ ﮨﻮ ﺍﺳﮑﺎ ﺍﻧﺤﺼﺎﺭ ﺻﺮﻑ ﺍﻭﺭ ﺻﺮﻑ ﺗﻢ ﭘﺮ ﮨﮯ۔
-30 ﺳﭽﺎ ﺻﻮﻓﯽ ﺍﯾﺴﺎ ﻓﺮﺩ ﮨﮯ ﮐﮧ ﺍﮔﺮ ﺍﺱ ﭘﺮ ﮐﻮﺋﯽ ﻧﺎﺣﻖ ﺗﮩﻤﺖ ﻟﮕﺎﺋﯽ ﺟﺎﺋﮯ، ﺍﻭﺭ ﮨﺮ ﺳﻤﺖ ﺳﮯ ﺍﺱ ﭘﺮ ﻣﻼﻣﺖ ﮐﯽ ﺑﻮﭼﮭﺎﮌ ﮨﻮ، ﺗﺐ ﺑﮭﯽ ﻭﮦ ﺻﺒﺮ ﮐﮯ ﺳﺎﺗﮫ ﯾﮧ ﺳﺐ ﺟﮭﯿﻠﺘﺎ ﮨﮯ ﺍﻭﺭ ﺗﻨﻘﯿﺪ ﮐﺮﻧﮯ ﻭﺍﻟﻮﮞ ﮐﮯ ﺧﻼﻑ ﺍﯾﮏ ﻟﻔﻆ ﻣﻨﮧ ﺳﮯ ﻧﮩﯿﮟ ﻧﮑﺎﻟﺘﺎ۔ ﻭﮦ ﺍﻟﺰﺍﻡ ﮐﮯ ﺟﻮﺍﺏ ﻣﯿﮟ ﺍﻟﺰﺍﻡ ﻧﮩﯿﮟ ﻟﮕﺎﺗﺎ۔ ﺍﻭﺭﮐﻮﺋﯽ ﺍﺳﮑﺎ ﻣﺨﺎﻟﻒ ﺍﻭﺭ ﺩﺷﻤﻦ ﺣﺘﯽٰ ﮐﮧ " ﻏﯿﺮ " ﮨﻮ ﺑﮭﯽ ﮐﯿﺴﮯﺳﮑﺘﺎ ﮨﮯ ﺟﺐ ﺍﺱ ﮐﮯ ﻧﺰﺩﯾﮏ ﮐﺴﯽ ﻏﯿﺮ ﮐﺎ ﮐﻮﺋﯽ ﻭﺟﻮﺩ ﮨﯽ ﻧﮩﯿﮟ۔ ﻭﮦ ﺗﻮ ﺧﻮﺩ ﺍﭘﻨﮯ ﻧﻔﺲ ﺳﮯ ﻣﻌﺪﻭﻡ ﮨﮯ، ﭼﻨﺎﻧﭽﮧ ﻭﮦ ﮐﺴﻄﺮﺡ ﮐﺴﯽ ﮐﻮ ﺍﭘﻨﺎ ﺩﺷﻤﻦ ﯾﺎ ﻣﺨﺎﻟﻒ ﺳﻤﺠﮭﮯ ﺟﺐ ﻭﮨﺎﮞ ﺻﺮﻑ ﺍﻭﺭ ﺻﺮﻑ ﺍﯾﮏ ﮨﯽ ﻭﺍﺣﺪ ﺫﺍﺕ ﮐﯽ ﺟﻠﻮﮦ ﻧﻤﺎﺋﯽ ﮨﮯ؟
-31 ﺍﮔﺮ ﺗﻢ ﺍﭘﻨﺎ ﺍﯾﻤﺎﻥ ﻣﻀﺒﻮﻁ ﮐﺮﻧﺎ ﭼﺎﮨﺘﮯ ﮨﻮ ﺗﻮ ﺍﺳﮑﮯ ﻟﺌﮯ ﺗﻤﮩﯿﮟ ﺍﭘﻨﮯ ﺍﻧﺪﺭ ﮐﯽ ﺳﺨﺘﯽ ﺩﻭﺭ ﮐﺮﻧﺎ ﮨﻮﮔﯽ۔ ﭼﭩﺎﻥ ﮐﯽ ﻃﺮﺡ ﻣﻀﺒﻮﻁ ﺍﯾﻤﺎﻥ ﮐﯿﻠﺌﮯ ﮐﺴﯽ ﭘﺮﻧﺪﮮ ﮐﮯ ﭘﺮﻭﮞ ﺳﮯ ﺑﮭﯽ ﺯﯾﺎﺩﮦ ﻧﺮﻡ ﺩﻝ ﺩﺭﮐﺎﺭ ﮨﮯ۔ ﺯﻧﺪﮔﯽ ﻣﯿﮟ ﺑﯿﻤﺎﺭﯾﺎﮞ، ﺣﺎﺩﺛﺎﺕ ، ﻧﻘﺼﺎﻥ ، ﺗﻤﻨﺎﺅﮞ ﮐﺎ ﭨﻮﭨﻨﺎ ﺍﻭﺭ ﺍﺱ ﻗﺴﻢ ﮐﮯ ﮐﺌﯽ ﺩﯾﮕﺮ ﻣﻌﺎﻣﻼﺕ ﮨﻤﺎﺭﮮ ﺳﺎﺗﮫ ﺍﺳﯽ ﻟﺌﮯ ﭘﯿﺶ ﺁﺗﮯ ﮨﯿﮟ ﺗﺎﮐﮧ ﮨﻤﯿﮟ ﺭﻗﺖِ ﻗﻠﺐ ﻋﻄﺎ ﮐﺮﯾﮟ، ﮨﻤﯿﮟ ﺧﻮﺩﻏﺮﺿﯿﻮﮞ ﺳﮯ ﻧﮑﺎﻟﯿﮟ، ﻧﮑﺘﮧ ﭼﯿﻨﯽ ﮐﮯ ﺭﻭﯾﮯ ﺗﺒﺪﯾﻞ ﮐﺮﯾﮟ ﺍﻭﺭ ﮨﻤﯿﮟ ﮐﺸﺎﺩﮦ ﺩﻟﯽ ﺳﮑﮭﺎﺋﯿﮟ۔ ﮐﭽﮫ ﻟﻮﮒ ﺗﻮ ﺳﺒﻖ ﺳﯿﮑﮫ ﮐﺮ ﻧﺮﻡ ﮨﻮﺟﺎﺗﮯ ﮨﯿﮟ ﺍﻭﺭ ﮐﭽﮫ ﻟﻮﮒ ﭘﮩﻠﮯ ﺳﮯ ﺑﮭﯽ ﺯﯾﺎﺩﮦ ﺳﺨﺖ ﻣﺰﺍﺝ ﺍﻭﺭ ﺗﻠﺦ ﮨﻮ ﺟﺎﺗﮯ ﮨﯿﮟ۔ ﺣﻖ ﺗﻌﺎﻟﯽٰ ﮐﮯ ﻗﺮﯾﺐ ﮨﻮﻧﮯ ﮐﯿﻠﺌﮯ ﺿﺮﻭﺭﯼ ﮨﮯ ﮐﮧ ﮨﻤﺎﺭﮮ ﻗﻠﻮﺏ ﺍﺗﻨﮯ ﮐﺸﺎﺩﮦ ﮨﻮﮞ ﮐﮧ ﺗﻤﺎﻡ ﺍﻧﺴﺎﻧﯿﺖ ﺍﺱ ﻣﯿﮟ ﺳﻤﺎ ﺳﮑﮯ ﺍﻭﺭ ﺍﺳﮑﮯ ﺑﻌﺪ ﺑﮭﯽ ﺍﻥ ﻣﯿﮟ ﻣﺰﯾﺪ ﻣﺤﺒﺖ ﮐﯽ ﮔﻨﺠﺎﺋﺶ ﺑﺎﻗﯽ ﺭﮨﮯ۔
-32 ﮐﻮﺋﯽ ﺍﻣﺎﻡ، ﮐﻮﺋﯽ ﭘﺎﺩﺭﯼ، ﮐﻮﺋﯽ ﺭﺑﯽ ﺍﻭﺭ ﺍﺧﻼﻗﯽ ﻭ ﻣﺬﮨﺒﯽ ﻗﺎﺋﺪﯾﻦ ﻣﯿﮟ ﺳﮯ ﮐﻮﺋﯽ ﺑﮭﯽ ﺗﻤﮩﺎﺭﮮ ﺍﻭﺭ ﺗﻤﮩﺎﺭﮮ ﺭﺏ ﮐﮯ ﺑﯿﭻ ﺣﺎﺋﻞ ﻧﮩﯿﮟ ﮨﻮﻧﺎ ﭼﺎﮨﺌﯿﮯ۔ ﺣﺘﯽٰ ﮐﮧ ﺗﻤﮩﺎﺭﺍ ﺍﯾﻤﺎﻥ ﺍﻭﺭ ﺗﻤﮩﺎﺭﺍ ﺭﻭﺣﺎﻧﯽ ﻣﺮﺷﺪ ﺑﮭﯽ ﻧﮩﯿﮟ ۔ ﺍﭘﻨﮯ ﺍﻗﺪﺍﺭ ﺍﻭﺭ ﺍﺻﻮﻟﻮﮞ ﭘﺮ ﺿﺮﻭﺭ ﯾﻘﯿﻦ ﺭﮐﮭﻮ، ﻟﯿﮑﻦ ﺍﻧﮑﻮ ﺩﻭﺳﺮﻭﮞ ﭘﺮ ﻣﺴﻠﻂ ﻣﺖ ﮐﺮﻭ۔ﺍﮔﺮ ﺗﻢ ﻟﻮﮔﻮﮞ ﮐﮯ ﺩﻟﻮﮞ ﮐﻮ ﺗﻮﮌﺗﮯ ﺭﮨﺘﮯ ﮨﻮ، ﺗﻮ ﮐﻮﺋﯽ ﺑﮭﯽ ﻣﺬﮨﺒﯽ ﻓﺮﯾﻀﮧ ﺍﻧﺠﺎﻡ ﺩﯾﻨﺎ ﺗﻤﮩﺎﺭﮮ ﻟﺌﮯ ﺳﻮﺩ ﻣﻨﺪ ﻧﮩﯿﮟ ۔ ﮨﺮ ﻗﺴﻢ ﮐﯽ ﺑﺖ ﭘﺮﺳﺘﯽ ﺳﮯ ﺩﻭﺭ ﺭﮨﻮ ﮐﯿﻮﻧﮑﮧ ﯾﮧ ﺗﻤﮩﺎﺭﯼ ﺭﻭﺣﺎﻧﯽ ﺑﯿﻨﺎﺋﯽ ﮐﻮ ﺩﮬﻨﺪﻻ ﺩﮮ ﮔﯽ۔ ﺻﺮﻑ ﺍﭘﻨﮯ ﺭﺏ ﮐﻮ ﺍﭘﻨﺎ ﻣﺮﺷﺪِ ﺣﻘﯿﻘﯽ ﺳﻤﺠﮭﻮ۔ ﻋﻠﻢ ﺍﻭﺭﻣﻌﺮﻓﺖ ﺿﺮﻭﺭ ﺣﺎﺻﻞ ﮐﺮﻭ، ﻟﯿﮑﻦ ﺍﻥ ﻋﻠﻮﻡ ﻭ ﻣﻌﺎﺭﻑ ﮐﻮ ﺍﭘﻨﯽ ﺯﻧﺪﮔﯽ ﮐﺎ ﻣﻘﺼﺪ ﻣﺖ ﺑﻨﺎﺅ۔
-33 ﺍﺱ ﺩﻧﯿﺎ ﻣﯿﮟ ﺟﮩﺎﮞ ﮨﺮ ﮐﻮﺋﯽ ﮐﺴﯽ ﻧﮧ ﮐﺴﯽ ﻣﻘﺎﻡ ﭘﺮ ﭘﮩﻨﭽﻨﮯ ﺍﻭﺭ ﮐﭽﮫ ﻧﮧ ﮐﭽﮫ ﺑﻨﻨﮯ ﮐﯽ ﺟﺪﻭ ﺟﮩﺪ ﮐﺮﺗﺎ ﮨﮯ، ﺣﺎﻻﻧﮑﮧ ﯾﮧ ﺳﺐ ﮐﭽﮫ ﺍﯾﮏ ﺩﻥ ﺍﺳﮯ ﯾﮩﯿﮟ ﭼﮭﻮﮌﻧﺎ ﭘﮍﺟﺎﺗﺎ ﮨﮯ، ﺍﯾﺴﮯ ﻣﯿﮟ ﺗﻢ ﺻﺮﻑ ﺍﻭﺭ ﺻﺮﻑ ﻧﺎﯾﺎﻓﺖ ﺍﻭﺭ ﻧﯿﺴﺘﯽ ﮐﻮ ﺍﭘﻨﺎ ﻣﻘﺼﺪ ﻗﺮﺍﺭ ﺩﻭ۔ ﺯﻧﺪﮔﯽ ﻣﯿﮟ ﺍﺗﻨﮯ ﺳﺒﮏ ﺑﻦ ﺟﺎﺅ ﺟﺘﻨﺎ ﮐﮧ ﺻﻔﺮ ﮐﺎ ﮨﻨﺪﺳﮧ ﮨﻮﺗﺎ ﮨﮯ۔ ﮨﻢ ﺍﯾﮏ ﺑﺮﺗﻦ ﮐﯽ ﻃﺮﺡ ﮨﯿﮟ۔ ﺑﺮﺗﻦ ﭘﺮ ﺧﻮﺍﮦ ﮐﺘﻨﮯ ﮨﯽ ﻧﻘﺶ ﻭ ﻧﮕﺎﺭ ﮐﯿﻮﮞ ﻧﮧ ﮨﻮﮞ، ﻟﯿﮑﻦ ﺍﺳﮑﺎ ﮐﺎﺭﺁﻣﺪ ﮨﻮﻧﺎ ﺻﺮﻑ ﺍﺱ ﺧﻼ ﮐﯽ ﻭﺟﮧ ﺳﮯ ﮨﮯ ﺟﻮ ﺍﺳﮑﮯ ﺍﻧﺪﺭ ﮨﮯ، ﯾﮧ ﺧﻼ ﮨﯽ ﺍﺳﮯ ﺑﺮﺗﻦ ﺑﻨﺎﺗﺎ ﮨﮯ ﺍﻭﺭ ﯾﮩﯽ ﻧﺎﯾﺎﻓﺖ ﺍﻭﺭ ﺧﻼ ﮨﻤﯿﮟ ﺑﮭﯽ ﺩﺭﺳﺖ ﺭﮐﮭﺘﮯ ﮨﯿﮟ۔ ﮐﺴﯽ ﻣﻘﺼﺪ ﮐﺎ ﺣﺼﻮﻝ ﮨﻤﯿﮟ ﻣﺘﺤﺮﮎ ﻧﮩﯿﮟ ﺭﮐﮭﺘﺎ ، ﺑﻠﮑﮧ ﯾﮩﯽ ﺧﺎﻟﯽ ﭘﻦ ﮐﺎ ﺷﻌﻮﺭ ﮨﮯ ﺟﻮ ﮨﻤﯿﮟ ﺭﻭﺍﮞ ﺩﻭﺍﮞ ﺭﮐﮭﺘﺎ ﮨﮯ۔
-34 ﺳﺮِ ﺗﺴﻠﯿﻢ ﺧﻢ ﮐﺮﻧﮯ ﺍﻭﺭ ﺭﺍﺿﯽ ﺑﺮﺿﺎ ﺭﮨﻨﮯ ﮐﺎ ﯾﮧ ﻣﻄﻠﺐ ﻧﮩﯿﮟ ﮐﮧ ﮨﻢ ﺑﮯ ﻋﻤﻞ ﮨﻮﮐﺮ ﻋﻀﻮِ ﻣﻌﻄﻞ ﮨﻮﺟﺎﺋﯿﮟ ﺍﻭﺭ ﻧﮧ ﮨﯽ ﯾﮧ ﺟﺒﺮﯾﺖ ‏( Fatalism ‏) ﯾﺎ ﺗﻌﻄﯿﻞ ‏( Capitulation ‏) ﮨﮯ۔ ﺑﻠﮑﮧ ﯾﮧ ﺗﻮ ﺍﺳﮑﮯ ﺑﺎﻟﮑﻞ ﺑﺮﻋﮑﺲ ﮨﮯ۔ ﺍﺻﻞ ﻗﻮﺕ ﺗﺴﻠﯿﻢ ﻭ ﺭﺿﺎ ﻣﯿﮟ ﮨﮯ، ﺍﯾﺴﯽ ﻗﻮﺕ ﺟﻮ ﮨﻤﺎﺭﮮ ﺍﻧﺪﺭ ﺳﮯ ﭘﮭﻮﭨﺘﯽ ﮨﮯ۔ ﻭﮦ ﻟﻮﮒ ﺟﻮ ﺯﻧﺪﮔﯽ ﮐﯽ ﺍﻟﻮﮨﯽ ‏( Divine ‏) ﺣﻘﯿﻘﺖ ﮐﮯ ﺳﺎﻣﻨﮯ ﺳﺮِ ﺗﺴﻠﯿﻢ ﺧﻢ ﮐﺮﺩﯾﺘﮯ ﮨﯿﮟ، ﻭ ﮦ ﺍﯾﺴﮯ ﺩﺍﺋﻤﯽ ﺳﮑﻮﻥ ﺍﻭﺭ ﺳﮑﯿﻨﺖ ﻣﯿﮟ ﺭﮨﺘﮯ ﮨﯿﮟ ﮐﮧ ﺍﮔﺮ ﺳﺎﺭﺍ ﺟﮩﺎﻥ ﻣﻮﺝ ﺩﺭ ﻣﻮﺝ ﻓﺘﻨﻮﮞ ﻣﯿﮟ ﻣﺒﺘﻼ ﮨﻮﺟﺎﺋﮯ ﺗﺐ ﺑﮭﯽ ﺍﺱ ﺳﮑﻮﻥ ﻣﯿﮟ ﮐﻮﺋﯽ ﺧﻠﻞ ﻧﮩﯿﮟ ﭘﮍﺗﺎ۔
-35 ﺍﺱ ﺩﻧﯿﺎ ﻣﯿﮟ ﺟﮩﺎﮞ ﮨﻢ ﺭﮦ ﺭﮨﮯ ﮨﯿﮟ، ﯾﮑﺴﺎﻧﯿﺖ ﺍﻭﺭ ﮨﻤﻮﺍﺭﯾﺖ ﮨﻤﯿﮟ ﺁﮔﮯ ﻟﯿﮑﺮ ﻧﮩﯿﮟ ﺟﺎﺗﯽ، ﺑﻠﮑﮧ ﻣﺨﺎﻟﻔﺖ ﺍﻭﺭ ﺗﻀﺎﺩ ﺁﮔﮯ ﻟﯿﮑﺮ ﺟﺎﺗﺎ ﮨﮯ۔ ﺍﻭﺭ ﺩﻧﯿﺎﻣﯿﻦ ﺟﺘﻨﮯ ﺑﮭﯽ ﻣﺘﻀﺎﺩ ﺍﻣﻮﺭ ﮨﯿﮟ، ﻭﮦ ﺳﺐ ﮨﻢ ﻣﯿﮟ ﺳﮯ ﮨﺮ ﺍﯾﮏ ﮐﮯ ﺍﻧﺪﺭ ﺑﮭﯽ ﭘﺎﺋﮯ ﺟﺎﺗﮯ ﮨﯿﮟ۔ ﭼﻨﺎﻧﭽﮧ ﺍﯾﮏ ﻣﻮﻣﻦ ﮐﯿﻠﺌﮯ ﺿﺮﻭﺭﯼ ﮨﮯ ﮐﮧ ﺍﭘﻨﮯ ﺍﻧﺪﺭ ﮐﮯ ﮐﺎﻓﺮ ﺳﮯ ﺿﺮﻭﺭ ﻣﻠﮯ۔ ﺍﻭﺭ ﺍﯾﮏ ﮐﺎﻓﺮ ﮐﻮ ﺑﮭﯽ ﺍﭘﻨﮯ ﺍﻧﺪﺭ ﮐﮯ ﺧﺎﻣﻮﺵ ﻣﻮﻣﻦ ﮐﻮ ﺩﺭﯾﺎﻓﺖ ﮐﺮﻧﺎ ﭼﺎﮨﺌﯿﮯ۔ ﺍﯾﻤﺎﻥ ﺍﯾﮏ ﺗﺪﺭﯾﺠﯽ ﺳﻔﺮ ﮨﮯ ﺟﺴﮑﮯ ﻟﺌﮯ ﺍﺳﮑﮯ ﻣﺨﺎﻟﻒ ﯾﻌﻨﯽ ﺑﮯ ﯾﻘﯿﻨﯽ ﮐﺎ ﮨﻮﻧﺎ ﻻﺯﻡ ﮨﮯ ﺗﺎﻭﻗﺘﯿﮑﮧ ﺍﻧﺴﺎﻥ، ﺍﻧﺴﺎﻥِ ﮐﺎﻣﻞ ﮐﮯ ﻣﻘﺎﻡ ﺗﮏ ﺟﺎﭘﮩﻨﭽﮯ۔
-36 ﺩﻧﯿﺎ ﻋﻤﻞ ﺍﻭﺭ ﺍﺳﮑﮯ ﺭﺩﻋﻤﻞ ﮐﮯ ﺍﺻﻮﻝ ﭘﺮ ﻗﺎﺋﻢ ﮨﮯ۔ ﻧﯿﮑﯽ ﮐﺎ ﺍﯾﮏ ﻗﻄﺮﮦ ﯾﺎ ﺑﺮﺍﺋﯽ ﮐﺎ ﺍﯾﮏ ﺫﺭﮦ ﺑﮭﯽ ﺍﭘﻨﺎ ﺭﺩﻋﻤﻞ ﯾﺎ ﻧﺘﯿﺠﮧ ﭘﯿﺪﺍ ﮐﺌﮯ ﺑﻐﯿﺮ ﻧﮩﯿﮟ ﺭﮨﺘﮯ۔ ﻟﻮﮔﻮﮞ ﮐﯽ ﺳﺎﺯﺷﻮﮞ، ﺩﮬﻮﮐﮧ ﺩﮨﯿﻮﮞ ﺍﻭﺭ ﭼﺎﻟﺒﺎﺯﯾﻮﮞ ﮐﺎ ﺧﻮﻑ ﻣﺖ ﮐﮭﺎﺅ ۔ ﺍﮔﺮ ﮐﻮﺋﯽ ﺗﻤﮩﺎﺭﮮ ﻟﺌﮯ ﺟﺎﻝ ﺗﯿﺎﺭ ﮐﺮ ﺭﮨﺎ ﮨﮯ ﺗﻮ ﯾﺎﺩ ﺭﮐﮭﻮ ﮐﮧ ﺍﻟﻠﮧ ﺑﮭﯽ ﺧﯿﺮ ﺍﻟﻤﺎﮐﺮﯾﻦ ﮨﮯ ﺍﻭﺭ ﺳﺐ ﺳﮯﺍﭼﮭﺎﻣﻨﺼﻮﺑﮧ ﺳﺎﺯ ﮨﮯ۔ ﺍﯾﮏ ﭘﺘﺎ ﺑﮭﯽ ﺍﺳﮑﮯ ﻋﻠﻢ ﺍﻭﺭ ﺍﺟﺎﺯﺕ ﮐﮯ ﺑﻐﯿﺮ ﻧﮩﯿﮟ ﮨﻠﺘﺎ۔ ﺑﺲ ﺍﻟﻠﮧ ﭘﺮ ﺳﺎﺩﮔﯽ ﮐﮯ ﺳﺎﺗﮫ ﺍﻭﺭ ﭘﻮﺭﯼ ﻃﺮﺡ ﯾﻘﯿﻦ ﺭﮐﮭﻮ۔ ﻭﮦ ﺟﻮ ﮐﭽﮫ ﺑﮭﯽ ﮐﺮﺗﺎ ﮨﮯ، ﺑﮩﺖ ﺧﻮﺑﺼﻮﺭﺕ ﻃﺮﯾﻘﮯ ﺳﮯ ﮐﺮﺗﺎ ﮨﮯ۔
-37 ﺧﺪﺍ ﺑﮩﺖ ﺑﺎﺭﯾﮏ ﺑﯿﻦ ﺍﻭﺭ ﺑﮍﺍ ﮨﯽ ﮐﺎﺭﯾﮕﺮ ﮔﮭﮍﯼ ﺳﺎﺯ ﮨﮯ۔ ﺍﺗﻨﺎ ﺩﺭﺳﺖ ﮐﮧ ﺯﻣﯿﻦ ﭘﺮ ﮨﺮ ﭼﯿﺰ ﺍﭘﻨﮯ ﻣﻘﺮﺭﮦ ﻭﻗﺖ ﭘﺮ ﻭﻗﻮﻉ ﭘﺬﯾﺮ ﮨﻮﺗﯽ ﮨﮯ۔، ﻧﮧ ﺍﯾﮏ ﻟﻤﺤﮧ ﻭﻗﺖ ﺳﮯ ﭘﮩﻠﮯ ﺍﻭﺭ ﻧﮧ ﺍﯾﮏ ﻟﻤﺤﮧ ﺗﺎﺧﯿﺮ ﺳﮯ۔ ﺍﻭﺭ ﯾﮧ ﻋﻈﯿﻢ ﮔﮭﮍﯼ، ﺑﻐﯿﺮ ﮐﺴﯽ ﺍﺳﺘﺜﻨﺎﺀ ﮐﮯ، ﺳﺒﮭﯽ ﮐﯿﻠﺌﮯ ﺑﺎﻟﮑﻞ ﭨﮭﯿﮏ ﺍﻭﺭ ﺩﺭﺳﺖ ﻃﻮﺭ ﭘﺮ ﮐﺎﻡ ﮐﺮﺗﯽ ﮨﮯ۔ ﮨﺮ ﺍﯾﮏ ﮐﯿﻠﺌﮯ ﻣﺤﺒﺖ ﺍﻭﺭ ﻣﻮﺕ ﮐﺎ ﺍﯾﮏ ﻟﻤﺤﮧ ﻣﻘﺮﺭ ﮨﮯ۔
-38 ﮐﻮﺋﯽ ﺣﺮﺝ ﻧﮩﯿﮟ ﺍﮔﺮ ﺯﻧﺪﮔﯽ ﮐﮯ ﮐﺴﯽ ﺑﮭﯽ ﻣﺮﺣﻠﮯ ﻣﯿﮟ ﮨﻢ ﺍﭘﻨﮯ ﺁﭖ ﺳﮯ ﯾﮧ ﺳﻮﺍﻝ ﭘﻮﭼﮭﯿﮟ ﮐﮧ " ﮐﯿﺎ ﻣﯿﮟ ﺍﭘﻨﺎ ﻃﺮﺯِ ﺯﻧﺪﮔﯽ ﺍﻭﺭ ﺍﭘﻨﯽ ﺭﻭﺵ ﺑﺪﻟﻨﮯ ﮐﯿﻠﺌﮯ ﺗﯿﺎﺭ ﮨﻮﮞ؟ ﮐﯿﺎ ﻣﯿﮟ ﺍﭘﻨﺎ ﺁﭖ ﺑﺪﻟﻨﮯ ﮐﯿﻠﺌﮯ ﺗﯿﺎﺭ ﮨﻮﮞ؟ " ۔ ﺍﮔﺮ ﺩﻧﯿﺎ ﻣﯿﮟ ﮨﻤﺎﺭﯼ ﺯﻧﺪﮔﯽ ﮐﺎ ﺍﯾﮏ ﺩﻥ ﺑﮭﯽ ﮔﺰﺭﮮ ﮨﻮﺋﮯ ﺩﻥ ﮐﮯ ﻣﺴﺎﻭﯼ ﮔﺬﺭﮮ ﺗﻮ ﺑﮍﯼ ﺣﺴﺮﺕ ﮐﺎ ﻣﻘﺎﻡ ﮨﮯ۔ ﮨﺮ ﻟﻤﺤﮧ ، ﮨﺮ ﺁﻥ ، ﺍﻭﺭﮨﺮ ﺳﺎﻧﺲ ﮐﮯ ﺳﺎﺗﮫ ﮨﻤﯿﮟ ﺍﭘﻨﯽ ﺗﺠﺪﯾﺪ ﮐﺮﺗﮯ ﺭﮨﻨﺎ ﭼﺎﮨﺌﯿﮯ،ﻧﯿﺎﺟﻨﻢ ﻟﯿﺘﮯ ﺭﮨﻨﺎ ﭼﺎﮨﺌﯿﮯ۔ ﺍﻭﺭ ﻧﯿﺎ ﺟﻨﻢ ﻟﯿﻨﮯ ﮐﯿﻠﺌﮯ ﺍﯾﮏ ﮨﯽ ﻃﺮﯾﻘﮧ ﮨﮯ۔۔۔ﻣﻮﺕ ﺳﮯ ﭘﮩﻠﮯ ﻣﺮﺟﺎﻧﺎ۔
-39 ﺟﺰﻭ ﺗﺒﺪﯾﻞ ﮨﻮﺗﺎ ﺭﮨﺘﺎ ﮨﮯ، ﻟﯿﮑﻦ ﺍﺳﮑﺎ ﮐُﻞ ﻭﯾﺴﮯ ﮐﺎ ﻭﯾﺴﺎ ﮨﯽ ﺭﮨﺘﺎ ﮨﮯ۔ ﺩﻧﯿﺎ ﺳﮯ ﺟﺐ ﺑﮭﯽ ﮐﻮﺋﯽ ﭼﻮﺭ ﮈﺍﮐﻮ ﺭﺧﺼﺖ ﮨﻮﺗﺎ ﮨﮯ، ﺍﺳﮑﯽ ﺟﮕﮧ ﻟﯿﻨﮯ ﮐﯿﻠﺌﮯ ﺍﯾﮏ ﻧﯿﺎ ﺷﺨﺺ ﭘﯿﺪﺍ ﮐﺮﺩﯾﺎ ﺟﺎﺗﺎ ﮨﮯ۔ ﺍﻭﺭ ﮨﺮ ﺻﺎﻟﺢ ﺍﻭﺭ ﻭﻟﯽ ﮐﮯ ﺭﺧﺼﺖ ﮨﻮﻧﮯ ﭘﺮ ﮐﻮﺋﯽ ﺩﻭﺳﺮﺍ ﺻﺎﻟﺢ ﺍﻭﺭ ﻭﻟﯽ ﺍﺳﮑﯽ ﺟﮕﮧ ﺳﻨﺒﮭﺎﻝ ﻟﯿﺘﺎ ﮨﮯ۔ ﺍﺱ ﻃﺮﯾﻘﮯ ﺳﮯ ﺑﯿﮏ ﻭﻗﺖ ﮨﺮ ﺷﺌﮯ ﺗﺒﺪﯾﻞ ﮨﻮﺗﯽ ﺟﺎﺗﯽ ﮨﮯ ﻟﯿﮑﻦ ﻣﺠﻤﻮﻋﯽ ﺣﻘﯿﻘﺖ ﻣﯿﮟ ﮐﻮﺋﯽ ﺗﺒﺪﯾﻠﯽ ﻭﺍﻗﻊ ﻧﮩﯿﮟ ﮨﻮﺗﯽ۔
-40 ﻣﺤﺒﺖ ﮐﮯ ﺑﻐﯿﺮ ﺯﻧﺪﮔﯽ ﺑﮯ ﻣﻌﻨﯽ ﮨﮯ۔ ﻣﺖ ﺳﻮﭼﻮ ﮐﮧ ﻣﺠﮭﮯ ﮐﺲ ﻗﺴﻢ ﮐﯽ ﻣﺤﺒﺖ ﮐﯽ ﺗﻼﺵ ﮨﮯ؟ ﺭﻭﺣﺎﻧﯽ ﯾﺎ ﺟﺴﻤﺎﻧﯽ، ﻣﻠﮑﻮﺗﯽ ﯾﺎ ﻧﺎﺳﻮﺗﯽ، ﻣﺸﺮﻗﯽ ﯾﺎ ﻣﻐﺮﺑﯽ۔۔۔ ﻣﺤﺒﺖ ﮐﯽ ﯾﮧ ﺗﻘﺴﯿﻢ ﻣﺰﯾﺪ ﺗﻘﺴﯿﻢ ﭘﯿﺪﺍ ﮐﺮﺗﯽ ﮨﮯ۔ ﻣﺤﺒﺖ ﮐﺎ ﮐﻮﺋﯽ ﻋﻨﻮﺍﻥ ﻧﮩﯿﮟ ﮨﻮﺗﺎ ، ﻧﮧ ﮨﯽ ﮐﻮﺋﯽ ﻣﺨﺼﻮﺹ ﺗﻌﺮﯾﻒ ‏( Definition ‏) ۔ ﯾﮧ ﺗﻮ ﺍﯾﮏ ﺳﺎﺩﮦ، ﺍﻭﺭ ﺧﺎﻟﺺ ﭼﯿﺰ ﮨﮯ ﺑﺲ۔ ﻣﺤﺒﺖ ﺁﺏِ ﺣﯿﺎﺕ ﺑﮭﯽ ﮨﮯ، ﺍﻭﺭ ﺁﺗﺶ ﮐﯽ ﺭﻭﺡ ﺑﮭﯽ ﮨﮯ۔ ﺟﺐ ﺁﺗﺶ ﺁﺏ ﺳﮯ ﻣﺤﺒﺖ ﮐﺮﺗﯽ ﮨﮯ، ﺗﻮ ﮐﺎﺋﻨﺎﺕ ﺍﯾﮏ ﻣﺨﺘﻠﻒ ﺭﻭﭖ ﺍﻭﺭ ﻧﺌﮯﺍﻧﺪﺍﺯ ﻣﯿﮟ ﻇﮩﻮﺭ ﭘﺬﯾﺮ ﮨﻮﺟﺎﺗﯽ ﮨﮯ۔
22 ﺍﮐﺘﻮﺑﺮ، 2014 ﺑﻮﻗﺖ 9:16 PM · ﻋﻮﺍﻣﯽ